‘
मणिग्राम, १९ माघ
रुपन्देहीको मणिग्राममा भएको दोस्रो राष्ट्रिय औद्योगिक व्यापार मेला तथा कृषि एवम् पर्यटन प्रवद्र्धन महोत्सवमा सञ्चालन गरिएको फूटवल प्रतियोगिता अन्तर्गत आइतबारका खेलमा नेपथ्य कलेज, राममणि क्याम्पस, पामिर स्कूल र मेघा कलेज विजयी भएका छन् ।
नेपथ्य र सगरमाथा कलेज विच भएको खेल १–१ को बराबरीमा सकिए पछि खेल ट्राइबेकरमा गएको थियो । ट्राइबेकरमा नेपथ्यले सगरमाथालाई २ का विरुद्ध ३ गोल गर्दै सेमिफाईनलमा प्रवेश गरेको छ । शान्ति नमुना मावि र राममणि क्याम्पस विच भएको खेलमा राममणिले शान्ति नमुनालाई १ का विरुद्ध २ गोल गरी सेमिफाइनलमा प्रवेश गरेको छ ।
पामिर स्कूल र एक्सिस कलेज वीच भएको खेल गोल रहित बराबरीमा सकिए पछि खेल ट्राइबेकरमा गएको थियो । ट्राइबेकरमा पामिरले एक्सिसलाई शुन्यका विरुद्ध १ गोल गर्दै सेमि फाइनलमा प्रबेश गरेको छ ।
आईतवारको अन्तिम खेल स्मृति बोर्डिङ्ग स्कूल र वेष्टर्न मेघा कलेज विच भएको खेल पनि ट्राइबेकरमा गएको थियो । ट्राइबेकरमा स्मृतिलाई २ का विरुद्ध ३ गोल गर्दै वेष्टर्न मेघा कलेज सेमिफाइनलमा प्रबेश गरेको खेलकुद समितिका संयोजक एबं तिलोत्तमा उद्योग वाणिज्य संघका सदस्य अमनमान श्रेष्ठले बताउनुभयो ।
जानकीनगर क्लवको व्यबस्थापनमा भएको प्रतियोगिता अन्तरगत भोली सोमबार सेमिफाइनलका खेल हुनेछन् क्लवका अध्यक्ष दिनेश गैरेले वताउनु भयो ।
२१ गतेसम्म सञ्चालन हुने प्रतियोगितामा रुपन्देही जिल्लाका बिद्यालय तथा कलेजगरी २५ टिमको सहभागिता रहेको थियो । प्रतियोगितामा विजयी टिमलाई ३० हजार तथा उपविजेता टिमलाई १५ हजार रुपैंया नगद पुरस्कार सहित कप, मेडल र प्रमाणपत्र प्रदान गरिने आयोजक तिलोत्तमा उद्योग बाणिज्य संघका कोषाध्यक्ष सुरज पंगेनीले जानकारी गराउनु भयो । सोमवार नै आयोजक र तिलोत्तमा नगरपालिकाका जनप्रतिनिधीका बीच मैत्री पुर्ण खेल पनि हुने छ ।
