बुटवल २३ पुस
नेपाल पत्रकार महासंघ रुपन्देहीका सदस्य तथा पार्षद एवम प्रगतिशिल पत्रकार संघ रुपन्देहीका अध्यक्ष श्यामलाल पोखरेल मातृशोकमा पर्नु भएको छ ।
उहाँकी ममतामयी माता ६५ वर्षिय पदमा कुमारी पोखरेलको बुधवार विहान पौने ९ वजे आफनै निवाष शंकरनगरमा निधन भएको हो ।
विगत लामोसमय देखि क्यान्सर रोगवाट पीडित मृतक पोखरेलका ४ छोरा २ छोरी र श्रीमान हुनुहुन्छ ।
उहाँको पार्थिब शरिरको आजै प्युठान जिल्लाको झिमरुक खोलामा अन्तिम दाहसंस्कार गरिने भएको छ । अन्तिम दाह संस्कारका लागि बुटवलवाट शव सहितको टोली विहान ११ वजे प्युठानतर्फ लागेको छ । यस दु:खद घडीमा मृत आत्माको चिरशान्तिको कामना गदै शोक सन्तप्त परिवारजनमा शुसेली मिडिया प्रा लि तथा अनलाईन पत्रिका संसारपोष्ट डट कम परिवार हार्दिक समेबेदना प्रकट गर्दछ ।
प्युठान जिल्लाको झिमरुक गाउँपालिका ३ बेवरेमा स्थायी घर भएका पोखरेल परिवारले आमाको अन्तिम दाहसंस्कार पछि काजक्रिया पनि प्युठानमै गर्ने भएका छन ।
।
