बुटवल, ३०कार्तिक
मिलिजुली युवा क्लव तिलोत्तमा ३ ले देउसी भैलोबाट संकलन भएको सहयोगबाट अनाथहरुलाई खाद्यान्य सहयोग गरेको छ । युवाहरुको सक्रीयतामा संचालन भएको भैलोबाट संकलित रकमले नेपाल अपाङग आश्रम देविनगरमा रहेका अनाथहरुलाई एक महिनाका लागि पुग्ने खाद्यन्य सहयोग गरेको हो । चार बोरा चामल, एक क्युन्टल आलु, सावुन, सरफ, तेललगाएतका सामाग्री हस्तान्तरण गरिएको छ ।
सहयोग हस्तान्तरण कार्यक्रममा बोल्दै क्लवका अध्यक्ष नारायण परियारले अनाथ र असायहरुलाई एक महिना भएपनि खान सहज होस् भन्ने उद्देश्यले सहयोग गरिएको बताए । उनले देउसी भैलोमा मनोरन्जनसँगै संकलन भएको रकमले समाजिक काम गर्दा सन्तुष्टी समेत मिल्ने गरेको बताए ।
समाजिक क्षेत्रमा केही काम गर्नुपर्छ भन्ने उद्देश्यले नै सहयोग गरिएको क्लवका उपाध्यक्ष तथा देउसी भैलोका संयोजक बरदान आचार्यले बताए । खाद्यान्य ग्रहण गर्दै आश्रमका अध्यक्ष डोरमणी रामदामले युवाहरु यसरी समाजिक सेवामा लाग्नु सकारात्मक पक्ष भएको बताएका थिए ।
क्लवका अध्यक्ष परियारको अध्यक्षता सचिव सुरज क्षेत्रीको संचालनमा भएको सहयोग हस्तान्तरण कार्यक्रममा दिपेन्द्र मगर , रोष्नी ज्ञवाली, ववी सुनार, विचय क्षत्री, गोकुल शाहीलगाएतले बोलेका थिए ।
