लायन्स क्लव अफ सिद्वबाबाद्धारा मधुमेह स्वास्थ्य उपचार केन्द्र स्थापना

बुटवल २७ कार्तिक लायन्स क्लव अफ बुटवल सिद्वाबाबाले बुटवलको नयांगाउंमा मधुमेह स्वास्थ्य उपचार केन्द्र स्थापना गरेको छ । मधुमेहका बिरामीहरुको संख्या बढ्दै गएको अवस्थामा सेवा दिने उद्वेश्यले उपचार केन्द्र स्थापना गरिएको लायन्स क्लव अफ बुटवल सिद्वाबाबाले बुधबार बुटवलमा पत्रकार सम्मेलन गरी जानकारी गराएको हो । क्लवका अध्यक्ष डिल्लीनारायण पाण्डेले मधुमेहका बिरामीहरु उपचारको लागि बुटवलबाहिर जान नपरोस् भन्ने उद्वेश्यले स्वास्थ्य उपचार केन्द्र स्थापना गरिएको बताए । लायन्स सिद्वाबाबा स्वास्थ्य उपचचार केन्द्र नामाकरण गरिएको उक्त उपचार केन्द्रको भोली नेपाल कम्युनिष्ट पार्टी (नेकपा) का महासचिव विष्णु पौडेलले उद्घाटन गर्ने कार्यक्रम रहेको अध्यक्ष पाण्डेले जानकारी गराए । बुटवल उपमहानगरपालिकाले उपलब्ध गराएको पाच कठा् जग्गामा उपचार केन्द्रका लागि दुइतले भवन निर्माण गरिएको छ । लायन्स क्लव अफ बुटवल सिद्वाबाबाको सक्रियतामा १ करोड लगानीमा भवन निर्माण गरिएको भवन निर्माण समितिका संयोजक योगेश घिमिरेले जानकारी गराए । स्वास्थ्य उपचार केन्द्रको भवन उद्घाट परेपछि प्रत्येक महिनाको एक दिन निःशुल्क मधुमेह चेकजाच गरी औषधी उपलब्ध गराइने क्लवका पूर्व अध्यक्ष टंकप्रसाद गैरेले जानकारी गराएका छन् । विहिवार स्वास्थ्य उपचार केन्द्र उद्घाटनसंगै निःशुल्क स्वास्थ्य शिविरको आयोजना गरिएको आयोजकहरुले पत्रकार सम्मेलनमा जानकारी गराएका छन् ।