बुटवल, ५असोज
प्यूठान रुपन्देही सम्पर्क मञ्चले ६६ युनिट रगत संकलन गरेको छ । सामाजिक क्षेत्रमा काम गर्दै आएको मञ्चले आइतबार बुटवलमा रक्तदान कार्यक्रमको आयोजना गरेको थियो ।
मञ्चले दशौं साधारण सभा र पांचौ अधिवेशनको पूर्व सन्ध्यामा रक्तदान कार्यक्रमको आयोजना गरेको मञ्चका सचिव श्यामलाल पोखरेलले जानकारी गराउनु भएको छ् ।
बुटवल स्थित रक्तसञ्चार सेवा केन्दमा आयोजित रक्तदान कार्यक्रममा बोल्दै प्रदेश सभा सांसद हरि रिजालले रक्तदान गरेर समाजमा उदारणीय काम गर्नु सामाजिक संघसस्थाहरुको दायित्व भएको बताउनु भयो । रगतको अभावमा कसैको पनि ज्यान जान नहुने र त्यसका लागि सबै क्षेत्र जागरुक हुन आवश्यक रहेको उहाँको कथन थियो ।
अर्का प्रदेश सांसद तारा जिसीले डेंगुको प्रकोप बढेको अवस्थामा रक्तदान दिएर मानिसको जीवन बचाउने काममा सरिक हुन सबैलाई आग्रह गर्नु भयो् । प्यूठान रुपन्देही सम्पर्क मञ्चका अध्यक्ष पदमबहादुर जिसीको अध्यक्षता, सचिव श्यामलाल पोखरेलको सञ्चालन र कार्यक्रम संयोजक प्रदीप जिसीको स्वागतमा कार्यक्रम भएको थियो ।
नियमित रुपमा रक्तदान कार्यक्रम गर्दै आएको मञ्चले रक्तसञ्चार सेवा केन्द्र बुटवलको प्राविधिक सहयोगमा रक्तदान गरिएको थियो ।
