बुटवल । रोटरी क्लव अफ बुटवलले कपिलवस्तुको शुद्धोधन गाउँपालिका पतरिया अन्हराठ स्थित नेपाल राष्ट्रिय प्राथमिक विद्यालय परिसरमा प्रौढ साक्षरता कक्षा संचालन गरेको छ ।
तीन महिना सम्म संचालन हुने उक्त कार्यक्रमको शनिवार एक कार्यक्रम विच रोटरी डिष्ट्रिक अवार्ड कमिटिका अध्यक्ष नुगल आनन्द वैद्यले शुभारम्भ गर्नुभयो । सो अवसरमा बोल्दै उहांले मुलुकलाई पुर्ण साक्षरता वनाउन कार्यक्रमले टेवा पुराउने बताउनु भयो ।
रोटरी क्लव अफ बुटवलले वार्षिक कार्ययोजनामै समेटेर साक्षरता कार्यक्रम संचालन गर्दे आएको छ ।
क्लवका अध्यक्ष दिल्ली कुमार श्रेष्ठको अध्यक्षता, सचिव रोम शर्माको संचालनमा भएको कार्यक्रममा पुर्व अध्यक्ष तथा आई सी एम चियर राजेन्द्र प्रसाद ध्वजु, फण्ड सवल कमिटिका डिष्ट्रिक को चियर तथा पुर्व अध्यक्ष अजयमान श्रेष्ठ, डिष्ट्रिक ट्रेनिङ को चियर राजेन्द्र लम्साल, पुर्व अध्यक्ष आमोद सिंमागैडा, आरसिसि अन्हराठका अध्यक्ष पार्वती तिमल्सेना, नेपाल राष्ट्रिय प्राथमिक विद्यालयका प्रधानाध्यापक श्यामदेव चौधरी लगायतले साक्षरता कार्यक्रमको औचित्य माथि प्रकाश पार्नुभएको थियो ।
सो अवसरमा कक्षा संचालनको लागि आवश्यक पर्ने शैक्षिक सामाग्रीहरु कपि किताव, पेन्सिल, ह्वाईटवोर्ड तथा म्याट हस्तान्तरण गरिएको थियो । प्रौढ शिक्षा कक्षामा ५० जना महिला पुरुषको सहभागिता रहेको शिक्षिका सन्ध्या चौधरीले जानकारी दिनुभयो ।
रोटरी क्लब अफ बुटवलको नियमित वैठक
यसैबिच रोटरी क्लब अफ बुटवलको १२७८ औ नियमित बैठक क्लव सचिवालय बुटवलमा सम्पन्न भएको छ ।
रोटरी डिष्ट्रिक अवार्ड कमिटिका अध्यक्ष नुगल आनन्द वैद्यले रोटरीको प्रोजेक्टको विषयमा चर्चा गर्दे बुटवल डिष्ट्रिक कै नमुना क्लव भएको बताउनु भयो । उहांले प्रोजेक्टलाई अझै प्राथमिकता दिएर काम गर्न सुझाव समेत दिनुभयो ।
अध्यक्ष दिल्ली कुमार श्रेष्ठको अध्यक्षतामा भएको कार्यक्रममा स्वागत रोटरियन सारदा ज्ञवालीले गर्नु भएको थियो भने अघिल्लो वैठकमा भएको निर्णय र क्लवलाई प्राप्त पत्रहरुको विषयमा सचिव रोम शर्माले जानकारी दिनुभयो ।
्क्लवका पुर्व अध्यक्ष अजयमान श्रेष्ठ, रोटरियन मणिरत्न पाण्डे लगायतले सर्भिस प्रोजेक्टको विषयमा चर्चा गर्नुभएको थियो । सो अवसरमा रोटरियन वसन्त थापाको विवाह उतसव मनाईएको थियो ।
