संसार पोष्ट
बुटवल, १५ साउन । खीर खाने दिनको अवसरमा बुधबार बुटवलको देबिनगरमा जेष्ठ नागरिक सम्मान, भेटघाट तथा खीर खाने कार्यक्रम सम्पन्न भएको छ ।
बुटवल उपमहानगरपालिका वडा नं ११ देबिनगर स्थित जेष्ठ नागरिक मञ्च, नवदुर्गा मन्दिर व्यवस्थापन समिति र जि २५ क्लव को संयुक्त आयोजनामा भएको कार्यक्रममा ८४ बर्ष पुगेका जेष्ठ नागरिकहरुलाई सम्मान गर्नुका साथै ग्लुकोज बितरण गरिएको जेष्ठ नागरिक मञ्चका उपाध्यक्ष कुलबहादुर केसीले जानकारी दिनुभयो ।
जेष्ठ नागरिक मञ्च देबिनगरका अध्यक्ष रोम बहादुर कुवँरको सभापतित्व र बुटवल वाणिज्य क्याम्पसका क्याम्पस प्रमुख ताराप्रसाद उपाध्यायको प्रमुख आतिथ्यतामा सम्पन्न कार्यक्रममा मानव अधिकारकर्मी रिमा बिसी, समाजसेवी चित्रबहादुर बर्मा, जेष्ठ नागरिक मञ्चका सचिव क्याप्टेन डोर बहादुर थापा, नव दुर्गा मन्दिर व्यवस्थापन समितिका अध्यक्ष अर्जुन बहादुर कुँवर, जि २५ क्लव देबिनगरका अध्यक्ष देवु अर्गली, जेष्ठ नागरिक मञ्च देबिनगरका सह सचिव रामचन्द्र तिवारी लगायतले कार्यक्रमबारे आ आफ्नो भनाई राख्नुभएको थियो ।
जेष्ठ नागरिकहरुलाई बितरण गरिएको ग्लुकोजको सौजन्य जेष्ठ नागरिक सुमित्रा खत्रीले गरेको आयोजकले जनाएका छन् । आयोजकका अनुसार कार्यक्रममा झण्डै डेढ सय बढिको सहभागिता रहेको थियो ।
