डण्डामा भएको सवारी दुर्घटनामा एक जनाको मृत्यु

रामकुमार श्रेष्ठ

नवलपरासी, १५ साउन । पुर्वी नवलपरासीको डण्डामा सवारी दुर्घटना हुदा एकजनाको मृत्यु भएको छ ।
बुधबार दिउँसो कावासोती १६ डण्डामा दुई मोटरसाइकल एक आपसमा जुध्दा मोटरसाईकल पल्टन गई ट्रकले किचेर मोटरसाईकल चालकको मृत्यु भएको प्रत्यक्षदर्शीले जनाएका छन् ।
पूर्वबाट पश्चिमतर्फ जादै गरेको ना ४ प २७ नम्वरको मोटरसाईकल र पश्चिमबाट पुर्वतर्फ जादै गरेको ना २७ प ३६०० नम्वरको मोटरसाईकल एक आपसमा ठक्कर खांदा ना २७ प ३६०० नम्वरको मोटरसाईकल चालक कावासोती नगरपालिका वडा नं १५ गोडार निवासी अन्दाजी ६०–६५ बर्षका रामप्रसाद अधिकारीको घटनास्थलमै मृत्यु भएको प्रहरीले जनाएको छ ।
दुई वटा मोटरसाइकल एक आपसमा ठक्कर खाएपछि सडकमा पल्टन पुगेका अधिकारीलाई पश्चिमबाट पुर्वतर्फ आउदै गरेको ना ६ ख ३४०१ नम्वरको ट्रकले किचेर अधिकारीको मृत्यु हुन पुगेको प्रहरीले जनाएको छ ।