कपिलवस्तुमा चार जना सुरक्षाकर्मी कोरोना संक्रमित

कपिलवस्तु, ३१ बैशाख । कपिलवस्तुमा चार जना सुरक्षाकर्मी कोरोनाबाट संक्रमित भएका छन् ।
स्वास्थ्य तथा जनसंख्या मन्त्रालयले बुधबार साँझ सार्वजनिक गरेको रिपोर्टमा कपिलवस्तुमा संक्रमण पुष्टि भएका ८ जनामध्ये चार जना सुरक्षाकर्मी भएको खुलेको हो ।
संक्रमण पुष्टि भएकाहरु मध्ये दुई जना नेपाल प्रहरीका सई र हवल्दार, एक जना सशस्त्र प्रहरी बलका सई र अर्का एक जना राष्ट्रिय अनुसन्धान विभागका असई छन् । कपिलवस्तुका प्रमुख जिल्ला अधिकारी दीर्घनारायण पौडेलले पनि सुरक्षाकर्मी संक्रमित भएको पुष्टि गर्नुभएको छ ।
उनिहरुको बैशाख २९ गते स्वाव संकलन गरिएको थियो । मंगलबार मात्रै कपिलवस्तुकी एक जना स्वास्थ्यकर्मीमा पनि कोरोना भाइरसको संक्रमण भेटिएको थियो ।