रामकुमार श्रेष्ठ
नवलपरासी, २४ बैशाख । पूर्वी नवलपरासीमा जँगली च्याउ खाँदा एकै दिन १६ जना विरामी परेका छन् । पूर्वी नवलपरासीको मध्यविन्दु नगरपालिका १४ का १२ जना र विनयी त्रिवेणी गाउँपालिका ४ का ४ जना गरी १६ जना विरामी परेका हुन् । उनीहरुको अवस्था गम्भीर रहेको जिल्ला प्रहरी कार्यालय नवलपुरका प्रहरी नायव उपरीक्षक मोहनबहादुर खाँणले बताउनुभयो ।
प्रहरीका अनुसार मध्यविन्दु १४ का ८ बर्षीया बालिका शान्ति गाहा, १० बर्षीया बालिका बिनिसरा ढेंगा, ११ बर्षीया बालक धु्रव ढेंगा, ३ बर्षीय बालिका सुरज रुचाल, ५५ बर्षीय इन्द्रबहादुर रुचाल, ५० बर्षीया टिकासरा रुचाल, ४ बर्षीया बालिका मनिषा रुचाल, ३५ बर्षीया दिलमाया गाहा, ५० बर्षीय लक्ष्मी ढेंगा, २२ बर्षीया मनकुमारी ढेंगा, १३ बर्षीया श्यामबहादुर सोमै र १५ बर्षीया पदम रुचाल विरामी भएका हुन् । उनीहरु सबैको नयाँ मेडिकल कलेज चितवनमा उपचार भईरहेको छ ।
त्यसैगरी जंगली च्याउ खाएर विनयी त्रिवेणी गाउँपालिका ४ का ३० बर्षीया जानु आले, २२ बर्षीया संगिता आले, ४० बर्षीया चनिसरा आले र ३३ बर्षीय रेम तरामु मगर विरामी परेका छन् । उनीहरुको मध्यविन्दु जिल्ला अस्पताल कावासोती १६ डण्डामा उपचार भईरहेको छ ।
