रामकुमार श्रेष्ठ
नवलपरासी (बर्दघाट), ११ बैशाख । पश्चिम नवलपरासीको बर्दघाटमा र्यापिड डायग्नोस्टिक टेष्ट (आरडीटी) परीक्षणमा गर्दा कोरोना पोजेटिभ देखिएका एक जनालाई बुटवल धागो कारखानामा रहेको बुटवल कोरोना विशेष अस्पतालमा उपचारका लागि लगिएको छ ।
बर्दघाट नगरपालिकाको स्वास्थ्य शाखाले अहिलेसम्म बर्दघाटमा १३४ जनामा आरडिटी टेष्ट गर्दा १ जनामा पोजेटिभ देखिएको हो ।
७८ बर्षीय ति जेष्ठ नागरिकलाई अहिले बुटवलको बुटवल कोरोना विशेष अस्पतालको आइसोलेशनमा राखिएको बर्दघाट नगरपालिकाका स्वास्थ्य शाखा प्रमुख माधव ज्ञवालीले बताउनुभयो । ७ जनाको परिवार रहेको उनको परिवारमा अन्यमा सदस्यहरुको र्यापिड टेष्ट रिपोर्ट भने नेगेटिभ आएको छ ।
स्वास्थ्य शाखा प्रमुख ज्ञवालीका अनुसार उनका परिवारका अन्य सम्पूर्ण सदस्यहरुलाई उनकै घरमा सुरक्षित रुपमा क्वारेन्टाइनमा राखिएको छ । दोस्रो र तेस्रो कोरोनो संक्रमित आएको जहाजमा दुई जना आएका थिए । ति दुई जनाको अहिलेसम्म स्वाव परीक्षण गरिएको छैन । उनीहरु दुवै जनाको र्यापिड टेष्ट भएको र दुवैको र्यापिड टेष्ट नेगेटिभ आएपछि उनीहरुलाई घरमा नै क्वारेन्टाइनमा राखिएको ज्ञवालीले बताउनुभयो ।
र्यापिड टेष्टमा कोरोना रिपोर्ट पोजेटिभ आएका ति ७८ बर्षीय नागरिकका परिवारका सबै सदस्य नेपालमै बस्दै आएका हुन् । ज्ञवालीले उनको स्वाव परीक्षणका लागि भैरहवा पठाएको भए पनि अझैसम्म रिपोर्ट नआएको बताउनुभयो ।
बर्दघाट नगरपालिकाबाट अहिलेसम्म एक जनाको मात्र स्वाव परीक्षणका लागि पठाइएको छ ।
बर्दघाट नगरपालिकामा अहिलेसम्म १ सय ३४ जना विदेशबाट आएको तथ्यांक भए पनि १३ जनालाई मात्र क्वारेन्टाइनमा राखिएको थियो ति मध्ये १० जना घर फर्किसकेको र अहिले ३ जना मात्र क्वारेन्टाइनमा रहेको बर्दघाटका स्वास्थ्य शाखा प्रमुख ज्ञवालीले जानकारी दिनुभयो ।
