नवलपरासी, २६ असार । नेपाल पत्रकार महासंघ पश्चिम जिल्ला शाखा नवलपरासीले जिल्लाका पत्रकारहरुलाई ल्यापटप ब्याग वितरण गरेको छ ।
महासंघको सभाहलमा एक कार्यक्रमको आयोजना गरी शाखामा आवद्ध सबै सदस्यहरुलाई ल्यापटप ब्याग वितरण गरिएको शाखा अध्यक्ष हरि शर्माले जानकारी दिनुभयो । शाखामा ६३ जना सदस्य आवद्ध छन् ।
पत्रकारहरुको क्षमताअभिवृद्धिका लागि विभिन्न तालिम सञ्चालन गर्दै आएको महासंघले पछिल्लो पटक ल्यापटप ब्याग वितरण गरेको हो । स्थानीय तहमा सञ्चालन भइरहेका विभिन्न योजना र कार्यक्रमका बारेमा समाचार संकलनका लागि सहजता पु¥याउने उद्देश्यले तालिम सञ्चालन गरेको अध्यक्ष शर्माले बताउनुभयो ।
एक महिनाको अवधिमा सञ्चालन गरिएका तालिममा सूचनाको हक, पत्रकार आचार संहिता, सञ्चारमाध्यमहरुको प्रवद्र्धन, स्थानीय तहको विकास तथा कानुनमा सञ्चारमाध्यमको भूमिकालगायतका विषय रहेको महासंघले जनाएको छ । तालिम सञ्चालनका लागि जिल्लाका स्थानीय तहहरुले सहयोग गरेका छन् ।
जिल्ला शाखाले २०७६ लाई तालिम वर्षका रुपमा मनाउने अभियानअनुसार पत्रकार र जिल्लामा सञ्चालित सञ्चारमाध्यमको विकासका लागि कार्ययोजना नै बनाएर अघि बढेको शाखा अध्यक्ष शर्माले जानकारी दिनुभयो । त्यसैगरी महासंघमा रहेको पुस्तकालयलाई जिल्लामै नमूनाको रुपमा स्थापित गराउन विभिन्न सरकारी निकाय र संघसंस्थाहरुसँग समन्वय गरेर काम अघि बढाएको शाखाले जनाएको छ ।
