नेपालमा पनि १९ वर्षिय युवतीमा कोरोना संक्रमित भेटिएको पुष्टि

काठमाडौँ १० चैत
नेपालमा पनि एक जना कोरोना संक्रमित बिरामी भेटिएको पुष्टि भएको छ ।
स्वास्थ्य मन्त्री भानुभक्त ढकालले सोमबार आयोजीत पत्रकार सम्मेलनमा सो कुराको जानकारी दिनु भएको हो । मन्त्री ढकालका अनुसार फ्रान्सबाट कतारको दोहा हुँदै गत मंगलबार नेपाल आइपुगेकी १९ वर्षीय युवतीमा कोरोना संक्रमण भेटिएको हो ।
उनको टेकुस्थित शुक्रराज ट्रपिकल अस्पताल टेकुमा उपचार हुँदै छ । कोरोना आशंकामा अस्पताल भर्ना गरिएकी उनलाई पुष्टि भएपछि आइसोलेसनमा राखेर उपचार भइरहेको ढकालले जनाएका छन् ।
यस्तै, उनीसँग भेटघाट भएका व्यक्तिहरुलाई पनि निगरानीमा राखिएको बताइएको छ ।