बुटवल २१ फागुन
बुटवलमा प्रथम प्रादेशिक लघु घरेलु साना तथा औद्योगिक कृषि प्रविधि व्यापार एवं पर्यटक महोत्सव शुरु भएको छ ।
नेपाल घरेलु तथा साना उद्योग महासघ प्रदेश महिला उद्यमी समिति प्रदेश नं ५को आयोजनामा संचालित महोत्सवको नेपाल घरेलु तथा साना उद्योग महासंघका केन्द्रिय कार्यवाहक अध्यक्ष उमेश प्रसाद सिंहले उद्घाटन गर्नु भयो ।
महोत्सवको उद्घाटन गर्दै उहाँले महिलालले मात्रै मेला गर्नु सानो कुरा नभएको बताउँदै महिलाहरुले गरेको मेलामा सरकारको सहभागिता न्युन देखिएको बताउनु भयो ।
कार्यक्रममा बोल्दै एफएनसिसिआई महिला उद्यमी समिति केन्द्रिय अध्यक्ष शिवा उपाध्याय (अञ्जु)ले महिलाहरुको आयोजनामा मात्रै मेला सञ्चालन गर्न सक्नु ठुलो कुरा रहेको बताउनु भयो । मेलामा महिलाका उद्योगबाट उत्पादीत समाग्रिहरुलाई बजारमा लैजान थप सहयोग पुग्ने तर्क गर्नु भयो ।
कार्यक्रममा बोल्दै प्रदेश महिला उद्यमी समिति प्रदेश ५ का संयोजक शान्ती शर्माले कोरोनाको त्रासले गर्दा मेलाको पहिलो दिनमा उपस्थितीको संख्या कम भएपनि भोलीका दिनबाट भने दर्शक संख्या बढ्ने बताउनु भयो । उहाले पहिलो पटक हुन लागेको प्रदेश स्तरीय मेलामा स्थानिय स्रोतको प्रयोग गरी उत्पादन गरिएका लघु, घरेलु तथा सानाउद्योगहरुको उत्पादित वस्तुहरुको दिगो वजार पहुच स्थापितगर्ने यस महोत्सवको विशेष उद्देश्य रहेको बताु भयो । लघु घरेलु तथा साना उद्योगहरुबाट उत्पादित कृषि तथा महिला उद्यमसिलताका बस्तु तथा सेवाहरुलाई प्रदशनीमा राखिएको छ ।
मेलाको पहिलो दिन औपचारीक कार्यक्रम मात्रै भएपनि दोस्रो दिनबाट नियममित मनोरञ्जनात्मक कार्यक्रमहरु सञ्चालन हुने आयोजकले जनाएको छ । चैत २ गते सम्म सञ्चालन हुने मेलामा करिब ३ सय स्टलहरु रहेका छन् ।
महोत्सवमा कृषि बनपैदावार, हस्तकला, उर्जा, वायोग्यास, सहित प्रर्यटन प्रवद्धनका स्टलहरुको पनि सहभागिता रहेका छन् ।
