बुटवल २० फागुन
नगरपालिकाले प्रदान गरेको जग्गामा भवन निर्माण गर्ने क्रममा कु ?तत्वले नियोजित रुपमा षडयन्त्र गरेको आरोप तिलोत्तमा चेम्वर अफ कमर्स लगाएको छ ।
तिलोत्तमा नगरपालिकाले पूर्व सहमती अनुसार भवन निर्माणका लागि उपलब्ध गराइएको जग्गामा कार्यालय भवन निर्माणमा अबरोध गरिएको भन्दै मंगलवार पत्रकार सम्मेलन गरि कु तत्वले अवरोध गरेको सार्वजनिक गरिएको हो ।
मणिग्राम स्थित कार्यालयमा तिलोत्तमा चेम्वर अफ कमर्सले भवन निर्माण गर्न लागेको समयमा स्थानीय आमा समुहको नाममा अवरोध गरिएको संस्थाका अध्यक्ष जेपी कंडेलले बताउनु भयो ।
अध्यक्ष कंडेलले तिलोत्तमा नगरपालिकाको २०७२ चैत्र ३० गतेको सर्वदलिय बैठकले तिलोत्तमा उधोग बाणिज्य संघ र तिलोत्तमा चेम्वर अफ कमर्सलाई लिजमा उपलब्ध गराउने निर्णय भएको र त्यसकै आधारमा भवन निर्माण गर्न लागिएको बताउनु भयो ।
तिलोत्तमा उधोग बाणिज्य संघ र चेम्वर अफ कमर्सले एउटै निर्णयले पाएको जग्गामा एउटा संस्थाले भवन बनाउन पाउने र अर्कोले नपाउने कुरा न्याय संगत नभएको अध्यक्ष कंडेलले बताउनु भयो ।
नगरपालिकाको २०७२ साल चैत्र ३० गतेको सर्वदलिय बैठकले तिलोत्तमा नगरपालिका वडा नं ५ स्थीत राधाकृष्ण टोलमा रहेको कित्ता नं ६४ बाट ५ कट्ठा र उधोग बाणिज्य संघलाई मंगलापुर स्थीत राम जानकी मन्दिर देखि दक्षिण तर्फ ५ कट्ठा जग्गा लिजमा उपलब्ध गराउने निर्णय गरेको छ ।
भवन निर्माण गर्न डेढ करोडको लागत इस्टिमेट समेत गरिएको पत्रकारसम्मेलनमा बताईएको हो ।
