बुटवल, १९ फागुन । यही फागुन २१ देखि चैत्र २ गते सम्म बुटवलमा सञ्चालन हुन लागेको प्रथम प्रादेशिक लघु घरेलु साना तथा औद्योगिक कृषि प्रविधि व्यापार एवं पर्यटन महोत्सवमा महिलाहरुले सञ्चालन गरेका र प्रविधि सहित आउने उद्योगहरुलाई निशुल्क स्टलको व्यवस्था मिलाईएको छ ।
नेपाल घरेलु तथा साना उद्योग महासंघ प्रदेश महिला उद्यमी समिति प्रदेश नं ५को आयोजनामा गर्न लागिएको प्रादेशिक स्तरको महोत्सवमा महिलाले सञ्चालन गरेका उद्योगलाई १२ हजारमा स्टल उपलब्ध गराईएको र स्टलमै उत्पादन गर्ने उद्योगीहरुलाई निशुल्क स्टलको व्यवस्था गरिएको प्रदेश महिला उद्यमी समिति प्रदेश ५ का संयोजक शान्ति शर्माले जनकारी दिनुभयो ।
अध्यक्ष शर्माले मेला सञ्चालनको मिति नजिकिँदै गर्दा तयारीका काम अन्तिम चरणमा पुगेको र महिलाको नेतृत्वमा भएको पहिलो मेला भएकाले सहयोग गर्न सबैलाई आग्रह गर्नुभयो ।
३ सय भन्दा वढि स्टलहरुको सहभागिता रहने र स्वदेशी वस्तुको प्रवद्र्धनलाई विशेष प्राथमिकता दिईएको महोत्सवले स्थानिय उत्पादनको दिगो बजारीकरणमा सहयोग पु¥याउने अपेक्षा गरिएको छ ।
संस्थाकी प्रदेश महासचिव पार्वती अधिकारीले स्टल निर्माणको ८० प्रतिशत काम सकिएको जानकारी दिनुभयो ।
महोत्सवमा कृषि, बनपैदावार, हस्तकला, उर्जा, वायोग्यास, सहित पर्यटन प्रवद्र्धनका स्टलहरुको सहभागिता रहने छ । पेशागत सम्मानको वातावरण निमार्ण गरि लघु घरेलु उद्योग मार्फत युवाहरुलाई स्वरोजगार बनाउने लक्ष्य पनि राखिएको छ ।
एक करोडको आर्थिक कारोवार एवं ५ लाख दर्शकहरुले अवलोकन गर्ने लक्ष्य राखिएको छ । बुटवल उपमहानगरपालिका वडा न ११ देविनगर रंगशाला नजिकैको खुल्ला मैदानमा महोत्सव सञ्चानल हुने छ ।
