व्यापार संघमा जुत्ता चप्पल बस्तुगत उपसमिति पूनर्गठन

बुटवल, १७ फागुन । रुपन्देही व्यापार संघमा आवद्ध जुत्ता चप्पल ब्यवसायीहरुको भेला संघको सचिवालयमा सम्पन्न भएको छ । जुत्ता व्यवसायीहरुको बस्तुगत उपसमिति गठनका लागि भएको भेलाले पुरानो समिति पुनर्गठन गर्दै यादव गिरीको अध्यक्षतामा नयाँ जुत्ताचप्पल बस्तुगत उपसमिति गठन गरेको छ ।
समितिको सह–संयोजकमा राजु श्रेष्ठ, सचिवमा दिनेश ज्ञवाली, सह–सचिवमा केशव पौडेल र कोषाध्यक्ष उत्तम देवकोटा रहनु भएको छ । सदस्यहरुमा गोविन्द चापागाई, सुरेन्द्र आचार्य, विजय घिमिरे, पदम दाहाल, लक्ष्मण न्यौपाने र सूर्य लम्साल रहनु भएको छ ।
समितिको सल्लाहाकारमा गोपाल प्रसाद अधिकारी, ऋषिराम पोखरेल र यज्ञ प्रसाद उपाध्यायलाई राख्ने निर्णय गरिएको छ ।
भेलामा बोल्ने बक्ताहरुले व्यवसायिक एकताको बलमा मात्र आफ्ना हकहित संरक्षण हुने हुदा सबै व्यवसायी एकजुट हुनुपर्ने बताए । उनीहरुले व्यवसायका क्रममा विभिन्न प्रकारका समस्याहरु आउने हुदा त्यसबाट भागेर होइन समस्याको पहिचान गरि समाधान गर्नतर्फ लाग्न सुझाव दिएका दिए ।
भेलामा बोल्दै कार्यक्रमका प्रमुख अतिथि संघका अध्यक्ष यमलाल लोहनीले संघका उपसमितिहरुले रुपन्देही व्यापार संघको पिल्लरको रुपमा जिम्मेवारी वहन गर्न अनुरोध गर्नु भयो । उहांले व्यवसायीहरुको समस्याको बारेमा उपसमितिले पहिचान गर्न पहल गर्ने र त्यसको समाधान गरेर व्यवसाय विस्तारमा व्यवसायीहरु सहयोगि बन्न आग्रह गर्नु भयो ।
संघका महासचिव दयानिधि भण्डारीले उपसमितिको सकृयता र क्रियाशिलताले संघको गतिविधि आम उपभोक्ता तथा व्यवसायीमा पुग्ने हुदा अघिल्लो कार्यकालमा भएका काम भन्दा अझ उत्कृष्ट काम गर्न सुझाव दिनु भयो ।
कार्यक्रममा संघका सहसचिव फर्सुराम पन्तले उपसमितिको काम र कर्तव्यका बारेमा जानकारी गराउदै रुपन्देही व्यापार संघमा आवद्ध जुत्ताचप्पल व्यवसायीहरुले सम्पूर्ण व्यवसायीहरुको नेतृत्व गर्न आग्रह गर्नु भयो ।
भेलाको अध्यक्षता संघका कार्यसमिति सदस्य तथा उपसमितिका संयोजक अर्जुन भट्टराईले गर्नु भएको थियो भने सञ्चालन सचिव राजु श्रेष्ठले गर्नु भएको थियो ।