बुटवल १६ माघ
सुन्दा पनि अचम्म लाग्ने वोराले च्यापिएर परिकारका सवै सदस्यको एकै चिहान भएको छ । रुपन्देहीको सिद्धार्थनगर नगरपालिका–६ गल्लामण्डी पिपरहियामा भाडामा बस्दै आएका कवाडी वोराको काम गर्ने एकै परिवारका ४ जनाको वोराले च्यापिएर मृत्यु भएको छ ।
आफैँले जम्मा गरेका कवाडका बोराको खात पल्टिएर च्यापिँदा भारतीय नागरिकको मृत्यु भएको छ ।
मृत्यु हुनेमा भारतको बिहार राज्यको बलियास्थित तपनीगाउँका ३० वर्षीय सहजाद हुसेन, उनकी श्रीमती २६ वर्षीया सद्धाव खातुन, ६ वर्षीय छोरा सुल्तान र दुई वर्षीया छोरी सहिना मृत्यु भएको जिल्ला प्रहरी कार्यालय रुपन्देहीले जनाएको छ ।
उनिहरुको आफैँले सङ्कलन गरेर राखेको बोराको थुप्रो पल्टिँदा खाटमा सुतेका उनीहरुको निस्सिएर मृत्यु भएको प्रहरीले अनुमान लगाएको छ । विहान अवेर सम्म नउठेपछि सोही घरकै अर्को कोठामा वस्ने दाजु भाउज्युले उठाउन खोज्दा घटना भएको थाहा भएको जिल्ला प्रहरी कार्यालय रुपन्देहीका प्रहरी नायव उपरिक्षक खडक बहादुर खत्रीले बताउनु भयो ।
उनीहरुको शव पोष्ट माटमका लागि भैरहवास्थित भीम अस्पतालमा राखिएको प्रनाउ खत्रीले बताउनु भयो ।
