अपाङ्ग दृष्टिविहिन अनाथ आश्रमलाई सहयोग

बुटवल, १४ माघ । पश्चिम नेपाल विकास ट्रष्टले लुम्बिनी अपाङ्ग दृष्टिविहिन अनाथ आश्रममा दैनिक आवश्यक खाद्यान्य सामाग्री र शैक्षिक सामग्री हस्तान्तरण गरेको छ ।
ट्रष्टका कोषाध्यक्ष पदमलाल घिमिरेका अनुसार आश्रमलाई प्रदान गरिएका सामाग्रीहरूमा दाल, कपि, पेन, पेन्सिल, खाने तेल, स्कुल व्याग र चप्पलहरू रहेका छन् । हाल पोल्याण्डमा बस्दै आएका अन्तर्राष्ट्रिय नेपाली कलाकार समाज पोल्याण्डका उपाध्यक्ष कृष्ण भण्डारीले उपलब्ध गराएको रकमबाट ती सामाग्री हस्तान्तरण गरिएको हो ।
अध्यक्ष गौरीमाया थापा, प्रमुख सल्लाहकार गोपालप्रसाद भुसाल, सदस्यहरु राधा भुसाल, इन्द्रा थापालगायतले ती सामाग्री आश्रमलाइ हस्तान्तरण गर्नुभएको थियो । करिब १४ हजार बराबरका सामाग्री हस्तान्तरण गरिएको घिमिरेले जानकारी दिनुभयो ।