नवलपुर, २ माघ । पूर्वी नवलपरासीमा क्रियाशिल कावासोती र देवचुलीका युवा व्यवसायीहरुले कावासोती नगरपालिका ३ को सुकुम्बासी वस्तीका ७५ घरधुरी विपन्न परिवारलाई जाडोको न्यानो कपडा सिरक वितरण गरेका छन् ।
कावासोती नगरपालिका वडा न ३ का वडाध्यक्ष अमृत कुमार श्रेष्ठको रोहबरमा कावासोती र देवचुलीका युवा व्यवसायीहरुले ७५ घरधुरी परिवारलाई सिरक र एक जना शारिरीक रुपमा असक्त भएका महिलालाई नगद सहयोग गरेको युवा व्यवसायी विशाल तिवारीले बताउनुभयो ।
जाडो बढी रहँदा सुकुम्बासी बस्तीबाट सहयोगको लागि अनुरोध आएपछि आफूहरुले सहयोगको लागि अपिल गरेर सबैको सहयोगमा विपन्न परिवारलाई जाडोको लागि सिरक र नगद प्रदान गरिएको अभियन्ता प्रबिन सापकोटाले जानकारी गराउनु भयो ।
अभियानका संयोजक किरण भुर्तेलले संचालन गरेको कार्यक्रममा बोल्दै वडाध्यक्ष श्रेष्ठले युवाहरुको कामको प्रशंसा गर्दै युवाहरु त्यसै समय व्यतित गरेर दिन विताउनु भन्दा यस्ता समाजसेवामा लाग्नु अत्यन्तै राम्रो हुने बताउनु भयो ।
कार्यक्रममा स्थानीय हार्डवेयर ब्यवसायी महेन्द्र भण्डरी, सिद्धार्थ सुनचाँदी पसलका संचालक रबिन्द्र गहतराज, सुन्दर लम्साल, केशर थापा, नवलपुर जेसिजका अध्यक्ष नारायण न्यौपाने, ओमकार घिमिरे, दिलिप तिमिल्सिना, चिरन पान्डे, बेट्टु रानाभाट, राजकुमार श्रेष्ठ, नवराज भण्डारी, केशव खत्री लगायतले अभियानमा सहयोग गर्नुका साथै आगामी दिनमा पनि यस्ता कार्यक्रमलाई निरन्तरता दिनुपर्ने वताउनु भयो ।
