रुपन्देहीको सियारी गाउँपालिकामा श्रीमानद्वारा श्रीमतीको हत्या

बुटवल २३ पुस । रुपन्देहीको सियारी गाउँपालिका वार्ड नं. १ मा श्रीमानद्वारा श्रीमतीको हत्या भएको छ । यहि पुस २२ गते मंगलवारका दिन सियारी गाउँपालिका वार्ड नं. १ स्थित सुर्यबहादुर कुंवरको घरमा डेरा गरी बस्ने सोही गाउँपालिका वार्ड नं.३ स्थायी घर भएकी बर्ष ३० की कान्छी सुवेदी भन्ने चम्पा क्षेत्री कुमाललाई आफ्नै श्रीमान बर्ष ३२ को सनी कुमालले हत्या गरेको जिल्ला प्रहरी कार्यालय रुपन्देहीले जनाएको छ ।
रुपन्देहीका प्रहरी प्रवक्ता तथा सूचना अधिकृत प्रहरी नायव उपरिक्षक खडकबहादुर खत्रीका अनुसार मृतकलाई निजकै श्रीमान सनी कुमालले फलामको हेम्मरले टाउको, अनुहार, छाती र पेट समेतमा प्रहार गरी कर्तव्य गरी मारेको प्रारम्भिक अनुसन्धानबाट खुल्न आएको जानकारी दिनुभयो । प्रहरीका अनुसार कुमाललाई प्रहरी नियन्त्रणमा लिई थप अनुसन्धान भैरहेको छ ।