विरामीहरुको ठिक ढंगले उपचार गर्नु सरकारको कर्तब्य :मन्त्री बराल
बुटवल, २१ पुस । बुटवल स्थित लुम्विनी प्रादेशिक अस्पतालमा डायलोसिस सेवा शुभारम्भ भएको छ । डायलोसिस सेवाको सोमवार एक कार्यक्रममा बिच प्रदेश ५का सामाजिक बिकास मन्त्री सुुदर्शन बरालले शुभारम्भ गर्नुभयो ।
डायलोसिस सेवा शुभारम्भ कार्यक्रममा बोल्दै मन्त्री बरालले लुम्बिनी प्रादेशिक अस्पतालमा डायलोसिस सेवा संगै अन्य सेवा पनि थप गर्दै लैजाने बताउनु भयो । हेमोडायलोसिस सेवा मात्र नभएर सबै सेवाको निरन्तरता जरुरी रहेको बताउदै मन्त्री बरालले यसै बर्ष अस्पतालमा न्युरो सेवा समेत बिस्तार गरिने वताउनु भयो ।
डायोलिस सेवाले मृगौलाका विरामीहरुलाई राहत पुग्ने भन्दै मन्त्री बरालले जनताको मृगौला बचाउनु र विभिन्न बाध्यताले अस्पताल आउने विरामीहरुको ठिक ढंगले उपचार गर्नु सरकारको कर्तब्य भएकाले राम्रो सेवा र उपचार गर्न चिकित्सक र कर्मचारीहरुलाई आग्रह गर्नुभयो । सेवा शुभारम्भ भन्दा पनि यसको निरन्तरता मुख्य पाटो भएकाले यसको सफलताका लागि सवैले आआफ्नो जिम्मेवारी कुशलतापुर्वक निर्वाह गर्नुपर्नेमा उहांले जोड दिनुभयो ।
कर्यक्रममा लुम्विनी प्रादेशिक अस्पतालका प्रमुख डा. राजेन्द्र खनालले अस्पतालको सेवामा कुनै कमी हुन नदिने प्रतिवद्धता जनाउदै अस्पतालले उपलब्ध गराउने सवै सेवाका विषयमा आम जनतालाई सवै मिलेर सुसूचित गर्नुपर्ने वताउनु भयो ।
अस्पतालका हेमोडायलोसिस बिभाग प्रमुख डा. शक्ति बस्नेतले डायलोसिस सेवाको बारेमा जानकारी गराउदै अहिले ५ बेडबाट शुरु भएको यो सेवा आबश्यकता अनुसार थप गर्दे लैजाने बताउनुभयो ।
सो अवसरमा सामाजिक बिकास मन्त्रालयका सचिब डा.गोपिकृष्ण खनाल, स्वास्थ्य निर्देशक डा.बिनोद कुमार गिरी, सामाजिक बिकास मन्त्रालय स्वास्थ्य महाशाखा प्रमुख डा.उमाशंकर चौधरी, नर्सिङ अधिकृत ज्योति पौडेललगायतले आआफ्ना भनाई राख्नु भएको थियो ।
