कावासोतीमा भएको दुर्घटनामा रुपन्देहीका दुई जनाको मृत्यु

नवलपरासी, १७ अषार | पूर्वी नवलपरासीको कावासोती नगरपालिका ८ खरकट्टा जंगलमा लु २ ख १० नम्बरको ट्रकले लु ४९ प ३६२५ नम्बरको मोटरसाइकललाई ठक्कर दिंदा दुई जनाको निधन भएको छ ।

जिल्ला प्रहरी कार्यालय नवलपुरका अनुसार दुर्घटनामा परी मोटरसाइकल चालक रुपन्देहीको देवदह ७ बस्ने २७ बर्षीय मिलन भट्टराई र मोटसाइकलमा सवार सोही ठाउँका ३३ बर्षीय तारा पोख्रेलको निधन भएको हो ।

सोमबार विहान दुर्घटनामा परी गम्भीर घाइते दुवैको उपचारका लागि कावासोतीको कालीगण्डकी अस्पतालमा ल्याइएकोमा उनीहरुको उपचारको क्रममा निधन भएको थियो ।

ट्रक र ट्रक चालक प्रहरी नियन्त्रणमा रहेको छ ।