बुटवल, १६ पुस । मदन भण्डारी स्पोर्ट्स एकेडेमी बुटवल उप–महानगर कमिटीले स्थापन दिवसको अवसरमा राहत सामग्री वितरण गरेको छ ।
११ औं स्थापना दिवसको अवसरमा सिर्जनशील संस्था नेपाललाई एकेडेमीले राहत सामाग्री वितरण गरेको हो । एकेडेमीका अध्यक्ष समुन्द्र श्रेष्ठ, मदन भण्डारी स्पोर्ट्स एकेडेमी केन्द्रिय उपाध्यक्ष एवं नेकपा जिल्ला युवा तथा खेलकुद बिभाग प्रमुख ध्रुव आचार्य सहितको टोलीले राहत सामाग्री वितरण गरेको हो ।
कार्यक्रममा प्रदेश कमिटी उपाध्यक्ष मिनप्रसाद पोख्रेल, उपाध्यक्ष देवि वाग्ले, जिल्ला सह–सचिब बिकासजंग बस्नेत, जिल्ला सदस्य दिनेश थापा, सस्थाकि कार्यक्रम संयोजक कल्पना ढकाल, कमिटिका उपाध्यक्ष प्रकाश चौधरी, सचिव केशव पौडेललगायतले आगामी दिनमा पनि यस्ता सामाजिक कामलाई निरन्तरता दिने वताउनु भयो ।
स्थापना दिवसकै अवसरमा एकेडेमीले पुस २७ गते मंगलबार पाँचौं बटौली, ५ हजार मिटर अन्तर मा.बि. स्तरीय दौड प्रतियोगिता र माघ ३ गते शुक्रबार तेस्रो मदन भण्डारी अन्तर मा.बि. फुटसल प्रतियोगिता–२०७६ गर्ने एकेडेमीका सचिव केशव पौडेलले जानकारी दिनुभयो ।
