बुटवल, ३ पुस । नवजात शिशुको मृत्युदर कसरी घटाउन सकिन्छ भन्ने उद्देश्यले लुम्बिनी प्रादेशिक अस्पतालमा अभिमुखिकरण कार्यक्रम कार्यक्रम गरिएको छ ।
गोल्डेन कम्युनिटीको आयोजनामा सुसार परियोजनाले उक्त अभिमुखिकरण कार्यक्रम गरेको हो ।
अभिमुखीकरण कार्यक्रममा बोल्दै प्रदेश ५ का सामाजिक बिकास मन्त्री शुदर्शन बरालले प्रसुति सेवालाई प्रभावकारी बनाउन स्वास्थ्यकर्मीहरुलाई निर्देशन दिनुभयो ।
मन्त्री बरालले सामाजिक विकास मन्त्रालयले बर्थिङ सेन्टरहरुको विस्तार, औजार, उपकरण वितरण तथा दक्ष प्रसुतिकर्मी उत्पादनमा आवश्यक बजेट विनियोजन गरेको बताउनुभयो ।
प्रदेशमा प्रसुती सेवालाई प्रभावकारी बनाउनका लागि यसै बर्ष ४ सय नर्सहरुलाई एसबिए तालिम प्रदान गरिने भन्दै मन्त्री बरालले लुम्विनी प्रादेशिक अस्पताललाई प्रदेश रेफरल सेन्टरको रुपमा बिकास गर्ने तरिकाले सबै जिल्ला अस्पतालमा आईसियु सेवा संञ्चालको तयारी भैरहेको बताउनु भयो ।
लुम्विनी प्रादेशिक अस्पतालका मेसु डा राजेन्द्र खनालले ठाउँको अभाब भएपनि अस्पतालमा आउने सबै विरामीलाइ सहज उपचारको बयवस्था मिलाईएको वताउनु भयो । डा खनालले अस्पतालबाट दिने सेवामा कुनैपनि कमिहुन नदिने बताउनुभयो ।
अभिमुखीकरण कार्यक्रममा लुम्विनी प्रादेशिक अस्पतालका बालरोग प्रमुख डा नेत्र रानाले अस्पतालमा नबजात शिशुको अबस्था, उपचार लगायतका बिषयमा जानकारी गराउनु भएको थियो ।
गोल्डेन कम्युनिटी प्लानिड म्यानेजर हनी मल्लले यो कार्यक्रम ४ प्रदेश र ३ केन्द्रिय अस्पतालमा सुरु हुने बताउनुभयो ।
कार्यक्रममा सामाजिक बिकास मन्त्रालयका सचिब डा गोपिकृष्ण खनाल, स्वास्थ्य निर्देशक डा बिनोद कुमार गिरी, स्वास्थ्य महाशाखा प्रमुख डा उमाशंकर प्रसाद चौधरी, गोल्डेन कम्युनिटी प्लानिडका ब्यबस्थापक रेजिना गुरुड ,लुम्बिनी प्रादेशिक अस्पतालका स्त्रीरोग विशेषज्ञ डा श्रीधर आर्चाय,डा भक्त रावत लगायतले आआफ्ना धारणा राख्नुभएको थियो ।
