भैरहवा, २८ मंसिर । नेपाल लेखापढि कानून ब्यवसायी एसोसिएसन, ईकाइ समिति भैरहवाको चौथो साधारण सभा शनिबार सम्पन्न भएको छ ।
कार्यक्रमको उदघाटन सत्रमा बोल्दै प्रमुख अतिथि मालपोत कार्यालय भैरहवाका प्रमुख मालपोत अधिकृत कुमार आचार्यले अहिले लेखापढि ब्यवसायी र मालपोत कर्मचारीलाई हेर्ने दृष्टिकोण नकारात्मक रहेको बताउनुभयो । उहांले सरकार र सेवाग्राहीको समेत दुबै पक्षलाई हेर्ने दृष्टिकोणमा परिवर्तन ल्याउन दुवै पक्षको उत्तिकै महत्वपूर्ण भुमिका हुनुपर्नेमा जोड दिनुभयो । शुरुमा पेशा प्रति प्रतिवद्ध लेखापढि ब्यवसायीहरु भए पनि अहिले शिक्षित लेखापढि ब्यवसायीले समेत त्यस्तो प्रतिवद्धता देखाउन नसकेको उहांले बताउनु भयो ।
नेपाल लेखापढि कानून ब्यवसायी एसोसिएसन, ईकाइ समिति भैरहवाका अध्यक्ष भागवत प्रसाद उपाध्यायको अध्यक्षतामा भएको कार्यक्रममा समितिका कोषाध्यक्ष अशोक कुमार प्रजापतिले आर्थिक बर्ष २०७५÷०७६ को २२ लाख ९९ हजार ९ सय ९७ रुपैया बराबरको आय ब्यय प्रतिवेदन पेश गर्नुभएको थयो ।
कार्यक्रममा समितिलाई सहयोग गर्ने भूतपूर्व अध्यक्ष, सचिव लगायतलाई सम्मान समेत गरिएको थियो । कार्यक्रममा नेपाल लेखापढि कानून ब्यवसायी एशोसिएसनका पूर्व केन्द्रिय लेखा संयोजक हेमलाल ढकाल, बुटवल ईकाइ समिति अध्यक्ष दुर्गामणि ज्ञवाली, भैरहवा ईकाइका लेखा समिति संयोजक ओम प्रकाश चाई लगायतले बोल्नुभएको थियो । सदस्य शिव भण्डारीको सञ्चालनमा सम्पन्न भएको कार्यक्रममा स्वागत मन्तब्य समितिका उपाध्यक्ष गोमलाल खनालले गर्नुभएको थियो ।
