बुटवल, २१ मंसिर । शिखर देउराली आमा समूह बुटवल १ ले मानव सेवा अन्तर्गत असहाय तथा असक्तहरुलाई स्वीटर प्रदान गरेको छ । बुटवलको सुख्खानगरमा सञ्चालित मानव सेवा आश्रममा रहेका असहायहरुलाई स्वीटर प्रदान गरिएको हो ।
शिखर देउराली आमा समूहमा आवद्व महिलाहरुले शनिबार एक कार्यक्रम गरी स्वीटर वितरण गरेका हुन् । शिखर आमा समूहमा आवद्व महिला सदस्यहरुबाट पैसा संकलन गरी ८० थान स्वीटर सहयोग गरिएको समूहकी अध्यक्ष शोभा गुरुङले जानकारी गराउनुभयो ।
गरिव तथा असहायलाई सहयोग गर्नुपर्छ भन्ने भावना जागेपछि ५५ हजारको स्वीटर सहयोग गरिएको समूहकी सचिव आकृति थापाले बताउनुभयो ।
कार्यक्रममा बोल्दै बुटवल उपमहानगरपालिका १ का वडाध्यक्ष महेन्द्रप्रसाद लिगलले मानवीय सेवा नै धर्म भएकाले असहाय र असक्तलाई सहयोग गर्नु सबैको दायित्व भएको बताउनुभयो । असहायलाई स्वीटर सहयोग गरेर शिखर देउराली आमा समूहले समाजलाई सकरात्मक सन्देश दिएको उहांले बताउनुभयो ।
मानव सेवा आश्रमकी सह संयोजक टिकामाया थापाले सबैको सहयोग र सद्भावले मात्र आश्रम चल्न सक्ने भएकाले सहयोग पुराउन आग्रह गर्नुभयो ।
