सिजी धाम नजिकै आगलागी, ३० लाख बढीको क्षति

नवलपरासी, १७ मंसिर । पूर्वी नवलपरासीको देवचुलीको सि जी धाम नजिकैको पसलमा आगलागी भएको छ ।
आगलागीबाट दुई ओटा पसल जलेर पुर्ण रुपमा ध्वस्त भएका छन् । मंगलबार दिउँसो सि जि नजिकै रहेको देवचुली २ का तुलसी जैसीको मोटरसाइकल ग्यारेज र सोही ग्यारेजसँगै सटिएको तुलसी चौधरीको किराना पसलमा अचानक आगलागी भएको इलाका प्रहरी कार्यालय रहजरले जनाएको छ । आगलागीबाट दुवै पसल जलेर नष्ट भएका छन् ।
आगो कावासोतीको दमकल, प्रहरी र स्थानीयको पहलमा नियन्त्रणमा आएको थियो । आगलागीबाट ३० लाख बढी क्षती भएको अनुमान गरे पनि यकिन विवरण आउँन बाँकी छ ।