नवलपरासीकी कल्पना साग खेलकुदमा दुई खेल खेल्दै

रामकुमार श्रेष्ठ

नवलपरासी, १५ मंसिर । काठमाडौंमा आइतबारबाट शुरु भएको १३ औं संस्करणको दक्षिण एसियाली खेलकुद (साग) मा नवलपरासीको कावासोती ९ की कल्पना श्रेष्ठले दुई खेल खेल्ने भएकी छिन् ।
श्रेष्ठले सागमा ४ सय मिटर रिले र ४ सय मिटर हडल्सतर्फ प्रतिप्रर्धा गर्ने तयारी गरेकी छिन् । कल्पना श्रेष्ठले काठमाडौंमा बन्द प्रशिक्षण समेत लिएकी छिन् । श्रेष्ठ जीवन ज्योति माविका विद्यार्थी हुन् । उनी राष्ट्रपति रनिङ शिल्ड प्रतियोगिताबाट छनौट हुँदै दक्षिण एसियाली खेलकुद प्रतियोगिताका लागि छनौट भएकी हुन् ।
त्यस्तै गरी जीवन ज्योति माविकै अर्का खेलाडी मानबहादुर श्रेष्ठ पनि साग प्रतियोगितामा भलिबल खेल खेल्दै छन् ।
नेपालले उद्घाटन अगाडी भईसकेको भलिबलतर्फको महिला भलिबलमा फाइनलमा पुगेर पहिलो पदक पक्का गरिसकेको छ । महिला भलिबलमा नेपाल भारतसँग फाइलन खेल खेल्ने छ । छनौट चरणको खेलमा भारतसँग हार बेहोरेको नेपालले भारतसँग फाइनलमा बदला लिने मौका पनि मिलेको छ । पुरुष भलिबलमा भने नेपाल समूह चरणबाटै बाहिरिएको छ ।