बुटवल, ९ मंसिर । बुटवल ११ देबीनगरमा रहेको जागृती टोल विकास संस्थाले अपाङ्ग आश्रममा खाद्यान्न वितरण गरेको छ । संस्थाको वार्षिक कार्यक्रम अन्तरगत सोमबार बुटवल ११ प्रगतिनगरमा रहेको नेपाल अपाङ्ग आश्रममा खाद्यान्न सामाग्री वितरण गरिएको हो ।
संस्थाका अध्यक्ष शान्ता अर्यालको अध्यक्षतामा भएको कार्यक्रममा संस्थाका सल्लाहकार तथा समाजसेवी अर्जुन वहादुर कुवंरले समाजमा यस्ता खालका रचनात्मक कार्य गर्नाले अरुलाई पनि उत्प्रेरणा जगाउने बताउनु भयो । उहांले आश्रममा रहेका वालवालिकाहरुलाई सहयोग गर्नु सबैभन्दा ठुलो धर्म हुने बताउनु भयो ।
कार्यक्रममा पत्रकार बिक्रम खड्काले टोल विकास संस्थाले देउसी भैलो खेलेको रकमले गरेको मानविय कार्य सबैका लागि उदाहरणीय रहेको बताउनु भयो ।
सो अवसरमा संस्थाका सल्लाहकार लक्ष्मण कुमार श्रेष्ठ, आश्रमका अध्यक्ष डोल वहादुर रामदाम, संस्थाका उपाध्यक्ष कल्पना विष्ट, कोषाध्यक्ष सुमित्रा मल्ल, राधिका ज्ञवाली लगायतले आआफ्ना भनाई राख्नुभएको थियो ।
सो अवसरमा अश्रमका अध्यक्ष रामदामलाई संस्थाका तर्फबाट चामल दाल, तेल, तरकारी, चाउचाउ लगायतका समाग्री हस्तान्तरण गरिएको थियो ।
