तिलोत्तमामा सन्जीवनी फुटबल प्रतियोगिता हुने

श्यामलाल पोखरेल
बुटवल, ४ मंसिर । सन्जिवनी युवा क्लव तिलोत्तमा १४ ले यही मंसिर ६ गतेदेखि तेश्रो सन्जिवनी नकआउट फुटवल प्रतियोगिता गर्ने भएको छ । आयोजक क्लवले बुधवार तिलोत्तमा १४ दीपनगरमा पत्रकार सम्मेलन गरी खेलबारे जानकारी गराएको हो ।
प्रतियोगितामा रुपन्देहीका १६ टिमको सहभागिता रहने क्लवका अध्यक्ष अर्जुन क्षेत्रीले जनाकारी दिनुभयो । स्थानीय स्तरमा खेलाडी उत्पादन गर्ने र दुव्र्यसनीको अन्त्यका लागि खेल आयोजना गरिएको उहांले बतानुभयो ।
मंसिर २१ गतेसम्म सञ्चालन हुने खेलमा उत्कृष्ट हुने समूहले १ लाख नगद, शील्ड र प्रमाणपत्र प्राप्त गर्नेछन् ।
त्यस्तै उपविजेताले ५० हजार नगदसहित शील्ड र प्रमाणपत्र प्राप्त गर्ने छन् ।
स्थानीय खेल मैदानमा हुने खेल सञ्चालनका लागि करिब ७ लाख खर्च लाग्ने अनुमान गरिएको अध्यक्ष क्षेत्रीले बताउनुभयो । खेलको पूर्वसांसद स्तियाक खांनले उद्घाटन गर्ने कार्यक्रम रहेको छ ।