बुटवल, ९ कार्तिक । नेपाल स्वतन्त्र यातायात मजदुर संगठनको आयोजना र ५ नं. प्रदेश ट्राफिक प्रहरी कार्यालय बुटवलको सहकार्यमा शुक्रबार बुटवलको नयाँ बसपार्कमा शुभ–दिपावली र छठ पर्वको उपलक्ष्यमा सवारी दुर्घटना न्यूनिकरण शैक्षिक अभियान, शुभकामना आदान प्रदान तथा चालक सम्मान कार्यक्रम भएको छ ।
सवारी दुर्घटना न्यूनिकरण शैक्षिक अभियान अन्तर्गत आयोजित शुभकामना आदान प्रदान तथा चालक सम्मान कार्यक्रममा यातायात व्यवसायी, नागरिक समाज, पत्रकार, विभिन्न क्लव र सवारी चालक तथा सह–चालकहरुको सहभागिता रहेको थियो ।
कार्यक्रममा ५ नं. प्रदेश ट्राफिक प्रहरी कार्यालय बुटवलका कार्यबाहक प्रमुख प्रहरी नायव उपरिक्षक रामप्रकाश शाहले सबैमा शुभ–दिपावली र छठ पर्वको शुभकामना ब्यक्त गर्दै चालक तथा यातायात ब्यवसायीहरुलाई यात्रु मैत्रि व्यहार गर्न तथा सुरक्षित सडकको प्रयोग, क्षमता भन्दा बढि यात्रु तथा मालसामन बोक्दा हुन सक्ने सम्भावित सवारी दुर्घटना र तोकिएको भाडादर भन्दा बढी भाडा असुल गर्न खोज्ने जस्ता कार्य निरुत्साहित गर्ने लगायतका बिषयमा सहजिकरण गर्नुभएको थियो ।
सो अवसरमा प्रहरी नायव उपरिक्षक शाहले ट्राफिक नियमको पालन गर्ने र यात्रु मैत्री ब्यबहार गर्ने चालकहरुलाई सम्मान गर्नुभएको थियो ।
कार्यक्रममा सवारी दुर्घटना नियन्त्रण र ट्राफिक नियम सम्वन्धमा अन्तरक्रिया समेत गरिएको थियो ।
