बुटवल, २१ भदौ । आत्महत्या प्रयास गरेका बुटवल उपमहानगरपालिका वडा नं. २ का वडा अध्यक्ष रमेश नेपालको अवस्था चिन्ता जनक रहेको छ ।
चिकित्सकका अनुसार उपचारका लागि भैरहवा स्थित युनिभर्सल मेडिकल कलेजको सघन उपचार कक्षमा भर्ना हुनुभएका वडा अध्यक्ष नेपालको अवस्था गम्भिर रहेकोे बुटवल उपमहानगरपालिका वडा नं ४ का वडाअध्यक्ष टंक पराजुलीले जानकारी दिनुभयो ।
वडाअध्यक्ष नेपाललाई स्वास फेर्न समस्या भएपछि भेन्टिलेटरमा राखेर उपचार भईरहेको अस्पतालले जनाएको छ ।
वडा अध्यक्ष नेपालले वडा नं. २ पुरानो बुटवल बजारस्थित आफ्नै घरमा शनिवार बिहान ९ बजे सिलिङ पंखामा झुण्डिएर आत्महत्या प्रयास गर्नु भएको थियो ।
आफ्नो कोठाको ढोका बन्द गरी सिलिङ पंखामा झुण्डिदै गरेको अवस्थामा आफ्नै आमाले देखेर छिमेकीलाई खबर गरेपछि छिमेकीको सहयोगमा डोरी काटेर अस्पताल पु¥याईएको थियो ।
छिमेकीले डोरी काटेर तत्कालै लुम्बिनी प्रोदशिक अस्पतालमा पु¥याएपनि त्यहा उपचार हुन नसकेपछि भैरहवा स्थित युनिभर्सल मेडिकल कलेजमा लगिएको थियो । स्रोतका अनुसार वडा अध्यक्ष नेपाल केही दिनदेखि तनावमा देखिएको र वडा तथा नगरपालिकाको कार्यक्रममा समेत सहभागि हुनु भएको थिएन ।
