बुटवल, २ भदौ । नजिकिँदै गरेको हरितालिका तीजको अवसर पारेर बुटवल ११ लालीगुराँस पथमा क्रियाशिल युगल आमा समूहले तीज विशेष कार्यक्रम सम्पन्न गरेको छ ।
नेपाली संस्कृति र परम्परालाई प्रबद्र्धन गर्न र समूहका दिदीबहिनीहरु बीच भेटघाट, कुराकानी र अनौपचारिक रुपमा गीत मार्फत मन भित्रका गुनासो पोख्ने अवसरका रुपमा तीज बिशेष कार्यक्रम गरिएको आमा समूहका अध्यक्ष बिनिता ज्ञवालीले बताउनु भयो ।
लालीगुराँस पथमा रहेको होटल महाराजामा आयोजना गरिएको तीज बिशेष कार्यक्रममा महिला दिदिबहिनीहरुले एक आपसमा शुभकामना आदानप्रदान गर्नुका साथै दर खाने कार्यक्रम समेत गरिएको समूहकी सचिव लक्ष्मी पौडेल पराजुलीले जानकारी दिनुभयो ।
तीजको मौलिक संस्कृतिअनुसार आा समूहले तीज मिलन कार्यक्रम गरेको हो । पछिल्लो समय धान्नै नसक्ने गरी चाडपर्व मनाउन थालिएको र स्थानीय प्रशासनले पनि भड्किलो किसिमले तीज नमनाउन आग्रह गरेकाले सोही अनुसार कार्यक्रम गरिएको अध्यक्ष ज्ञवालीले वताउनु भयो ।
