प्रधानमन्त्री ओली अस्वस्थ नेकपा सचिवालयको बैठक स्थगित
काठमाडौं, ३० साउन । नेपाल कम्युनिस्ट पार्टी (नेकपा) अध्यक्ष एवं प्रधानमन्त्री केपी शर्मा ओली पुनः अस्वस्थ्य हुनुभएको छ । सिङ्गापुरबाट साउन २७ गते उपचार गराएर फर्किनुभएका प्रधानमन्त्री ओली बिहिबार अचानक अस्वस्थ्य हुनुभएको हो ।
प्रधानमन्त्री अस्वस्थ भएपछि बिहिबार बस्ने भनिएको पार्टी सचिवालयको बैठक शुक्रबारका लागि सरेको सो पार्टीले जनाएको छ ।
नेकपाका प्रवक्ता एवं सचिवालय सदस्य नारायणकाजी श्रेष्ठले
बैठक बस्ने गृहकार्य भइरहे पनि प्रधानमन्त्री ओली अस्वस्थ्य भएका कारण सचिवालय बैठक शुक्रबारका लागि सारिएको नेकपाका प्रवक्ता एबं सचिवालय सदस्य नारायणकाजी श्रेष्ठले जानकारी दिनुभयो ।
स्कूल विभागमा कुरा नमिलेका कारण साउन २८ गतेदेखि सचिवालय बैठक लगातार सर्दै आइरहेको छ । बिहिबार ३ बजे बस्ने भनिएको बैठक चार बजेका लागि सारिएको थियो तर प्रधानमन्त्री ओलीको स्वास्थ्य अचानक विग्रेपछि बैठक सारिएको हो ।
सचिवालय बैठकमा केन्द्रीय कार्यसमितिको कार्यविभाजन लगायतको विषयमा छलफल हुने एजेण्डा तय भएको थियो ।
