बुटवल, ३० साउन । जानाजान गाडीले ठक्कर दिएर रुपन्देहीमा एक जनाको हत्या भएको छ । रुपन्देही जिल्ला तिलोत्तमा नगरपालिका वडा नंं. ९ बस्ने बर्ष २५ को बसन्त पुनलाई वडा नं.७ बस्ने बर्ष २४ को अबिशेक गुरुङले पिकअप भ्यानले हानेर हत्या गरेको प्रहरीले जनाएको छ ।
तिलोत्तमा नगरपालिका .६ पुर्ब पहुनीमा बसन्त पुन सहित बर्ष २७ को सबिन थापा, बर्ष २५ को संन्दिप थापा र बर्ष २५ को सोनु श्रीष प्लटिङ गरेको खाली जग्गामा बसी मदिरा खादै गरेको अवस्थामा अबिशेक गुरुङ लु १ च ३२४६ नं.को पिकअप भ्यान चलाएर आई जानाजान पुन सहित उनका साथिहरुलाई ठक्कर दिएको ईलाका प्रहरी कार्यालय बुटवलले जनाएको छ ।
अबिशेकले सबैजनालाई भ्यानले ठक्कर दिन खोज्दा सविन, सन्दिप र श्रीष गाडीको दायाँबायाँ भागेर बचेको र बसन्त भने भ्यानको ठक्करबाट घाइते भएकाले तत्काल उपचारको लागि क्रिमसन अस्पताल मणिग्राम लगिएकोमा उपचारका क्रममा मृत्यु भएको प्रहरीले जनाएको छ ।
अनुसन्धानका क्रममा पुर्व रिसइबीको कारण गाडिले ठक्कर दिई नियोजित रुपमा बसन्तको हत्या गरेको देखिएकाले अबिसेक गुरुङललाई पक्राउ गरि थप अनुसन्धान भई रहेको ईलाका प्रहरी कार्यालय बुटवलले जनाएको छ ।
