त्रिवेणी नदीमा पुरुषको शब भेटियो

नवलपरासी, २७ साउन । पूर्वी नवलपरासीको विनयी त्रिवेणी गाउँपालिका ७ मा पर्ने त्रिवेणी नदीमा सोमबार एक जना पुरुषको शव फेला परेको छ ।
इलाका प्रहरी कार्यालय त्रिवेणीका प्रहरी निरीक्षक राजेन्द्र अधिकारीका अनुसार सोमबार विहान १० बजेतिर उक्त शव फेला परेको हो ।
त्रिवेणी नदीको गण्डक ब्यारेज पुल स्थित ३२ नम्बर ढोकामा वेवारिसे शब फेला परेको हो ।
प्रहरीका अनुसार अन्दाजी ३५÷४० बर्षको खैरो जिन्स फाइन्ट, कलेजी रंगको अण्डरवियर, कालो पहेलो कपडाको बेल्ट लगाएको, कपाल छोटो भएको पुरुषको शव फेला परेको हो । मृतकको सनाखत हुन सकेको छैन ।
शव नदीबाट बाहिर निकालिएको प्रहरीले जनाएको छ । दुई दिन अघि पनि नवलपरासीको नारायणी नदीमा एक जना महिलाको शव फेला परेको थियो ।