समृद्ध नगर बनाउन नगरवासीको भूमिका महत्वपूर्ण : नगरप्रमुख थापा

नवलपरासी, २६ साउन । सुनवल नगरपालिकालाई समृद्ध नगरपालिका बनाउन नगरका सबै वडाका क्रियाशिल महिलाहरुलाई सक्रिय र उद्यमशिल वनाउने अभियानमा नगरपालिका लागेको नगर प्रमुख भिम बहादुर थापा (भरत)ले बताउनु भएको छ ।
नगर प्रमुख थापाले नगरलाई समृद्ध वनाउन नगरवासीको भूमिका महत्वपुर्ण हुने भएकाले नगरपालिकाले अगाडि सारेका योजना र कार्यक्रममा साथ र सहयोग दिन नगरवासीलाई आग्रह गर्नुभयो ।
महिला उद्यम केन्द्र सुनवल ६ नवलपरासीले आयोजना गरेको ६ दिने उद्घोषण तालिमको आईतबार समापन गर्दै नगर प्रमुख थापाले तालिममा सिकेका कुरालाई ब्यबहारमा उतार्न र समाजमा नेतृत्वदायी भूमिका निर्वाह गर्न प्रशिक्षार्थीहरुलाई आग्रह गर्नुभयो ।
महिला उद्यम केन्द्र सुनवलकी अध्यक्ष अनिता भट्टराईको अध्यक्षतामा भएको कार्यक्रममा वडा अध्यक्ष रामप्रसाद लामा, सदस्य भिमा कुवंर, यानीसरा रसाईली, केन्द्रकी सचिव सीता तिमिलसिना, प्रशिक्षार्थी पुष्पा पन्थ, अनिता पाण्डे, निकिता क्षेत्री, बुद्ध माया पाठक लगायतले आआफ्ना धारणा राख्नुभएको थियो ।
यही साउन २१ गते देखि शुरु भएको ६ दिने उद्घोषण तालिमको सहजीकरण पत्रकार कृष्ण ढकालले गर्नु भएको थियो । तालिममा ३९ जना महिलाहरुको सहभागिता रहेको थियो ।