लक्ष्मण पौडेल
तिलोत्तमा, २१ साउन । नाईस ग्रुपले करिव पाँच करोडको लगानीमा हार्डवेयर्स प्रा.लि. सञ्चालनमा ल्याएको छ । तिलोत्तमा नगरपालिका–५, मणिग्राम राधाकृष्ण टोलमा नाईस हार्डवेयर्स प्रा.लि. सञ्चालनमा आएको हो ।
प्रा.लि.को मंगलबार तिलोत्तमा चेम्बर अफ कमर्शका अध्यक्ष जेपि कंडेलले उदघाटन गर्नुभयो । त्यस अवसरमा बोल्दै उनले व्यवसायमार्फत स्वरोजगार बन्नु सबैभन्दा ठूलो कुरा भएको भन्दै व्यावसायिक प्रतिष्पर्धाका बीच उपभोक्तालाई सहज सेवा प्रदान गर्न प्रा.लि.लाई आग्रह गर्नुभयो ।
नौ जना व्यवसायीहरुको लगानीमा उक्त हार्डवेयर्स प्रा.लि. सञ्चालनमा ल्याइएको हो । प्रा.लि. मा हार्डवेयर्ससँग सम्बन्धित छड, सिमेन्टका अतिरिक्त रंग, सेनेटरी लगायतका निर्माण सामग्रीहरु उपलव्ध हुने अध्यक्ष शंकर शर्मा गैरेले जानकारी दिनुभयो । ग्राहकलाई सहज, शुलभ र सहुलियतपूर्ण ढंगले सेवा प्रदान गर्ने लक्ष्यका साथ हार्डवेयर्स प्रा.लि.को शुभारम्भ गरिएको र बर्जर पेन्टको आधिकारिक बिक्रेताका साथै सबैखाले निर्माण सामग्री उपलव्ध हुने उहांले बताउनु भयो ।
नाईस ग्रुपले बुटवलको कालिकानगरमा बिगत पाँच वर्षदेखि नाईस इन्टरनेशनल ट्रेड लिंक प्रा.लि. पनि सञ्चालन गरिरहेको छ । भविष्यमा अरु ठाउँहरुमा पनि शाखा बिस्तारको योजना रहेको अध्यक्ष गैरेले जानकारी दिनुभयो ।
