भैरहवा । जिल्ला प्रहरी कार्यालय रुपन्देहीले भारतबाट नेपाल तर्फ भन्सार छली चोरी पैठारी गरी ल्याउंदै गरेको ११ लाख ४७ हजार ७ सय मूल्य बराबरको अवैध सामान बरामद गरेको छ ।
जिल्ला प्रहरी कार्यालयबाट खटिएको प्रहरी टोलीले जेठ २२ गते अपरान्ह ४ वजेको समयमा जिल्लाको लुम्बिनी साँस्कृतिक नगरपालिका वडा नं. १ भगवानपुरबाट लु १ च ३५२२ नं. को बोलेरो पिकअप गाडीमा ल्याउंदै गरेको अवस्थामा ७ लाख ७ हजार ७ सय मूल्य बराबरको काठको ढोका ५ वटा, पेन्ट ३ बाल्टी (५० लिटर) र टायल ४० पेटी बरामद गरी आवश्यक कारवाहीको लागि भैरहवा भन्सार कार्यालय वेलहिया बुझाएको छ ।
यस्त जिल्ला प्रहरी कार्यालय रुपन्देहीबाट खटिएको प्रहरी टोलीले जेठ २२ गते सांझ ६ बजेको समयमा सिद्धार्थनगर नगरपालिका वडा नं. ७ आवारोडमा भारतबाट नेपाल तर्फ भन्सार छली चोरी पैठारी गरी लु १ ह २६४३ नं. को अटो रिक्सामा ल्याउंदै गरेको अवस्थामा ४ लाख ४० हजार मूल्य बराबरको २४ पेटी टायल बरामद गरेको छ ।
प्रहरीले सामान सहित सामान ल्याउने भारत जिल्ला महाराजगंज थाना फरेन्दा घर भई हाल जिल्ला रुपन्देही सिद्धार्थनगर नगरपालिका वडा नं. १३ भैरहवा बसपार्क बस्ने वर्ष २४ को औरेन्ज चौहानलाई समेत नियन्त्रणमा लिई सामान सहित आवश्यक कारवाहीको लागि भैरहवा भन्सार कार्यालय वेलहिया बुझाएको छ ।
