आईपीएल क्रिकेट : दिल्ली क्यापिटल्ससंग सनराइजर्स हैदरावाद ७ रनले पराजित

काठमाडौं । इन्डियन प्रिमियर लिग (आईपीएल) २०२३ मा दिल्ली क्यापिटल्सले सनराइजर्स हैदरावादलाई ७ रनले पराजित गरेको छ ।
अन्तिम दुई स्थानमा रहेका टिमबीचको भिडन्तमा दिल्ली क्यापिटल्सले सनराइजर्स हैदरावादलाई ७ रनले पराजित गरेको हो ।
लो स्कोरिङ गेममा दिल्लीले १४४ रन डिफेण्ड गर्दै रोमाञ्चक जित हात निकालेको हो । दिल्लीको यो लगातार दोस्रो जित हो र हैदरावादलाई रनरेटले पछि पार्दै दिल्ली अन्तिम स्थान छाडेर नवौं स्थानमा उक्लेको छ । हैदरवादाको भने यो लगातार तेस्रो हार हो ।
७ खेलबाट दिल्ली र हैदरावादको समान ४ अंक छ । ४ अंक नै रहेको कोलकता नाइट राइडर्स भने आठौं स्थानमा रहेको छ ।
हैदरावादको मैदानमा टस जितेर पहिले ब्याटिङ गरेको दिल्लीले ९ विकेट गुमाएर १४४ रन बनाएको थियो । त्यसमा मनिष पाण्डे र अक्षर पटेलले सर्बाधिक ३४÷३४ रन बनाए । मिचेल मार्श २५ र कप्तान डेविड वार्नरले २१ रन जोडे । हैदरवादका वासिङ्गटन सुन्दरले ३ तथा भुवनेश्वर कुमारले २ विकेट लिए ।
१४५ रनको लक्ष्य पछ्याएको हैदरावादले २० ओभरमा ६ विकेट गुमाएर १३७ रन मात्र बनाउन सक्यो । हैदरावादका लागि ओपनर मायंक अग्रवालले ३९ बलमा सर्वाधिक ४९ रन बनाए । उनले ७ चौका प्रहार गरे । हेनरिच क्लासनेले १९ बलमा ३१ रन बनाउँदा वासिङ्गटन सुन्दरले १५ बलमा अविजित २४ रन जोडे ।
दिल्लीका एनरिक नोर्किअ र अक्षर पटेलले दुई÷दुई तथा इशान्त शर्मा र कुदिलप यादवले समान एक÷एक विकेट लिए ।