बुटवल । २२ औं संस्करणको तिलोत्तमा गोल्ड कपको उपाधीका लागि सूदुरपश्चिम–११ र मनाङ मस्र्याङदी भिड्ने भएका छन् । विहीबारको अन्तिम सेमिफाइनल खेलमा मनाङले ट्राइबेकरमा ४–३ गोलअन्तरले फ्रेन्ड्स क्लबलाई पराजित गर्दै फाइनल यात्रा तय गरेको हो ।
निर्धारित ९० मिनेटको खेलमा २–२ गोलको बराबरी भएपछि खेल पेनाल्टी सुटआउटमा पुगेको थियो । योसंगै पन्ध्रौ संस्करणको बिजेता समेत रहेको फ्रेन्ड्स क्लब सेमिफाइनलबाट बाहिरिएको हो । पेनाल्टी सुटआउटमा फ्रेन्ड्सका रुपेश केसीले गरेको प्रहार दायाँ तर्फको माथिल्लो बिममा लाग्दै बाहिरिएको थियो भने डोना थापाको प्रहारलाई मनाङका गोल रक्षकले सहजै रोक्न सफल भएका थिए । मनाङका जियनाथ सेख, अजित गुरुङ, विसन गुरुङ र आशिष गुरुङले गोल गरेका थिए । फ्रेन्ड्स क्लबका अमित तामङ, विदेशि खेलाडी टोरिक जिब्रन र उत्तम राईले गोल गरेका थिए ।
निर्धारित समयमा फ्रेण्डस क्लबका तर्फबाट २५ नम्बर जर्सीका विदेशी खेलाडी रफिक अमेनुले खेलको ७ मिनेटमा नै गोल गरेका थिए । यस्तै खेलको २६ मिनेटमा २० नम्बर जर्सीका उत्तम राईले गोल गरेका थिए । पहिलो हाफको ईन्जुरी समयमा मनाङ मस्र्याङदीका क्याप्टेन जर्सीका नम्बर ४ का आशिष गुरुङले एक गोल गर्दै २–१ को अवस्थामा पु¥याएका थिए । दोस्रो हाफको २ मिनेटमा नै मनाङ मस्र्याङदीका २१ नम्बर जर्सीका प्रशन्न श्रेष्ठले गोल गर्दै खेललाई २–२ को अवस्थामा पु¥याएका थिए ।
खेलमा मनाङ मस्र्याङदीका क्याप्टेन आशिष गुरुङ म्यान अफ द म्याच भई ११ हजार १ सय ११ नगद सहित यति हेल्मेट र करेन्ट चाउचाउ प्राप्त गरे । यसअघि बुधबार भएको पहिलो सेमिफाइनल खेलमा सूदुरपश्चिम ११ ले थ्री स्टार क्लवलाई १–० गोलअन्तरले पराजित गर्दै फाईनल प्रवेश गरेको थियो ।
फाईनल खेल चैत ११ गते शनिबार हुनेछ । प्रतियोगितामा दुई विभागीयसहित ८ टिम सहभागी रहेका थिए । प्रतियोगिताको विजेताले ११ लाख ११ हजार एक सय ११ रुपैयाँ र उपविजेताले ५ लाख ५५ हजार ५ सय ५५ रुपैयाँ प्राप्त गर्नेछ । सर्वोत्कृष्ट खेलाडीले एक लाख रुपैयाँ वा एक थान मोटरसाइकल पुरस्कार पाउँदा उत्कृष्ट फरवार्ड, गोलरक्षक, मिड फिल्डर, डिफेन्स र कोचलाई जनही ३० हजारका दरले नगद पुरस्कार प्रदान गरिने आयोजकले जनाएको छ । त्यस्तै, प्रत्येक खेलमा म्यान अफ दि म्याचलाई ११ हजार १ सय ११ रुपैयाँ पुरस्कार प्रदान गरिएको छ ।
