प्रधानमन्त्री ओली उपचारकालागि आज सिंगापुर जाँदै

संसार पोष्ट
काठमाडौ, १८ साउन । प्रधानमन्त्री केपी शर्मा ओली स्वाथ्य परिक्षणका लागि शनिबार सिंगापुर प्रस्थान गर्दैहुन्छ । प्रधानमन्त्री सचिवालयका अनुसार उहां सिल्क एयरको उडानबाट राति पौने १० बजे सिंगापुर जाने कार्यक्रम रहेको छ ।
स्वाथ्य परीक्षणको सिलसिलामा उहां एक साता विदेशमै रहनु हुनेछ । गत साता छाउनीस्थित वीरेन्द्र सैनिक अस्पतालमा स्वास्थ्य जाँच गराउँदा रगतमा क्रेटिनाइको बढेकाले चिकित्सकको सल्लाहअनुसार थप उपचारका लागि सिंगापुर जान लाग्नुभएको हो । प्रधानमन्त्री ओलीलाई धपेडीका कारण पनि स्वाथ्यमा समस्या भएको भन्दै आराम गर्न समेत चिकित्सकले सुझाव दिएका छन् । प्रधानमन्त्रीको सचिवालयका अनुसार उहांको उपचार सिंगापुरको सरकारी युनिभर्सिटी अस्पतालमा हुने छ ।