पाल्पा, ६ कात्तिक । तिनाउ खोलाले बगाएर पाल्पाको तिनाउ गाउँपालिका–२, दोभानमा एक वालकको मृत्यु भएको छ ।
आइतबार दिउँसो दिदीसँग खोलामा नुहाउन तीन वर्षीय मायुस सारुको तिनाउ खोलाले बगाएर मृत्यु भएको जिल्ला प्रहरी कार्यालय पाल्पाले जनाएको छ । प्रहरीका अनुसार खोलामा डुबेर बेपत्ता भएका सारुलाई स्थानीयले खोजी गर्दै जांदा डेढ किलोमिटर तल फेला परेका थिए ।
लामो समय खोलामा डुबेर बेहोस भएका सारुलाई उपचारका लागि लुम्बिनी प्रादेशिक अस्पताल बुटवल लगिएकोमा चिकित्सकले उनलाई मृत घोषणा गरेका थिए । घटना बारे थप अनुसन्धान भइरहेको जिल्ला प्रहरी कार्यालय पाल्पाले जनाएको छ ।
