रुपन्देहीमा बिश्व आदिवासी जनजाति दिवस विभिन्न कार्यक्रम गरि मनाइदै

बुटवल १५ साउन
आदिवासी जनजाति महासंघ रुपन्देहीले २५ औं विश्व आदिवासी जनजाति दिवस बिभिन्न कार्यक्रम गरी साताव्यापी रुपमा मनाउने भएको छ ।
महासंघले बुधवार बुटवलमा पत्रकार सम्मेलनको आयोजना गरी दिवसका अवसरमा यही साउन १७ गते शुक्रवार देखि २४ गतेसम्म रुपन्देहीमा बिभिन्न कार्यक्रम गर्ने जानकारी दिएको छ ।
साताव्यापी कार्यक्रम अन्तरगत साउन १७ गते ‘ स्थानीय तहको बजेटमा लक्षित वर्गको अवस्था र पहुच’ विषयक अन्तरक्रिया गर्ने, १८ गते लुम्बिनी प्रादेशीक अस्पतालमा फलफूल वितरण, १९ गते विद्यालयस्तरीय चित्रकला प्रतियोगिता, २० गते ड्राइभरटोलदेखि गोलपार्क हुँदै थकालि सेवा समाजको भवनसम्म भ्रष्टाचार विरुद्ध हाफ म्याराथन प्रतियोगिता , २२ गते रक्त सञ्चार केन्द्र बुटवलमा रक्तदान कार्यक्रम गरिने महासंघका रुपन्देही अध्यक्ष शंकर गाहामगरले पत्रकार सम्मेलनमा जानकारी गराउनु भयो ।
यस्तै दिवसको मुख्य दिन साउन २४ गते बुटवलमा बृहत्त र्याली सहित बुटवल मण्डपमा सभाको आयोजना गरिने छ ।