बुटवल, ३१ बैशाख । बुटवल उपमहानगरपालिका–१ को वडाध्यक्षमा नेपाली काँग्रेसका बागी उम्मेदवार नरेन्द्र बस्नेत बिजयी भएका छ्न । बस्नेत पुतली चुनाव चिन्हबाट चुनावी मैदानमा उत्रिएका थिए । बस्नेतले वडा अध्यक्षमा उम्मेदवारी दिएका काँग्रेसका माधव प्रसाद प्रधान र नेकपा एमालेका महेन्द्र लिगललाई पराजित गर्दै विजयी भएका हुन् । बस्नेतलाई केही दिन अघि मात्र कांग्रेसले कारवाही गरेको थियो ।
सो वडामा सदस्यहरुमा कांग्रेसका चारै जना उम्मेदवार बिजयी भएका छन् । महिला सदस्य निलम गौतम, दलित महिला सदस्य प्रेमशिला धोवी, खुला सदस्यमा अलिद अहमद खान र अशोक राइ बिजयी भएका हुन् । निर्वाचन कार्यालयले निर्वाचित भएको औपचारिक घोषणा भने गरिसकेको छैन ।
