भैरहवा, १९ बैशाख । नेपाली कांग्रेसको तर्फबाट सिद्धार्थ नगरपालिकाको मेयर पदका उम्मेदवार ईश्तियाक अहमद खाँले सिद्धार्थ नगरपालिकालाई हरियाली, सुुन्दर, सफा सहर बनाउन आफुुले उम्मेदवारी दिएको बताउनु भएको छ । ‘भैरहवालाई ग्रीन, क्लिन शहर बनाउने मेरो अभियानहो, उहांले भन्नुभयो – ‘यसको लागि भैरहवामा बोटानिकल गार्डेन बनाउने छुु ।’ सिद्धार्थनगरमा कांग्रेस र नेकपा माओवादी केन्द्रबीच गठवन्धन गरिएको छ ।
नगरको समस्याको बिषय रहेको छाडा चौपायाहरुको ब्यवस्थापनको लागि जग्गाको ब्यवस्थागरि कान्जीहाउसको निर्माणगर्ने समेत उहांले प्रतिवद्धता जनाउनु भयो । सिद्धार्थनगर बडा नं ५ मा भएको घरदैलोको क्रममा उहांले आफ्नो भावी योजना सुनाउदै नगरलाई पर्यटन क्षेत्रसंग जोडेर विकास निर्माणका योजना संचालनगर्ने बताउनु भयो । ‘नगरलाई सफा, सुन्दर बातावरणमैत्री र उपचारसहितको बनष्पति उद्यान बनाउने छ‘ु खानले भन्नुभयो– ‘बिदेशी र स्वदेशी विभिन्न दातृ संस्था खोजेर नगरमा रिगंरोड तयार गर्नेछु ।’
बृद्धभत्ता घरघरमै, बालिका बिमा, वडा वडामा सार्वजनिक शौचालय, स्वच्छ खानेपानी, कृषकहरुलाई मलखाद, बिउ विजनको उचित ब्यवस्था मिलाईने उहांले बताउनु भयो ।
गठबन्धनमा उपमेयरकी माओवादी केन्द्रको तर्फबाट उप प्रमुख पदकी उम्मेदवार कमला थापाले आफूहरुसगं नगरको बिकास गर्ने स्पष्ट योजना रहेको बताउनुभयो । उहांले गठवन्धनका उम्मेदवार बिजयी भएमा गठबन्धनका नेता, कार्याकर्ता तथा आकांक्षीहरुसँग सुुझाव, सल्लाह र सहकार्य गरी आफुुहरुले जनाएका प्रतिबद्धता पुुरा गर्ने बताउनुभयो । प्रतिगमनलाई पराजितगर्न गठबन्धन गर्नुुपरेको भन्दै कांग्रेस र माओबादीका कार्यकर्ताहरुलाई समेत इमान्दार भएर चुुनावी अभियानमा लाग्न आग्रह गर्नुभयो ।
