संसार पोष्ट
भैरहवा, १२ साउन । जिल्ला प्रशासन कार्यालय रुपन्देहीले आइतबार तीन वटा सरकारी कार्यालयमा छड््के अनुगमन गर्दा ४ जना कर्मचारी अनुपस्थित रहेको पाईएको छ ।
प्रशासन कार्यालयका प्रशासकीय अधिकृत सहदेव गौतमको नेतृत्वमा भैरहवा स्थित नेपाल खाद्य संस्थान, साल्ट टे«डिङ कर्पोरेशन लिमिटेड र कृषि सामाग्री कम्पनी लिमिटेडमा छड््के अनुगमन गरिएको थियो । अनुगमनका क्रममा खाद्य संस्थानका २ र साल्ट टे«डिङका २ जना गरी ४ जना कर्मचारी विना जानकारी अनुपस्थित रहेको पाईएको हो ।
प्रशासकीय अधिकृत गौतमका अनुसार छड््के अनुगमनका क्रममा खाद्य संस्थानमा वरिष्ठ सहायक र सहायक तथा साल्ट टे«डिङमा वरिष्ठ सहायक र कार्यालय सहयोगी विना जानकारी कार्यालयमा अनुपस्थित रहेका थिए ।
कर्मचारीहरु अनुपस्थित हुनुका कारणबारे छानवीन गरी ३ दिन भित्र प्रशासन कार्यालयमा प्रतिवेदन बुझाउन सम्बन्धित कार्यालयहरुलाई निर्देशन दिइएको प्रशासकीय अधिकृत गौतमले जानकारी गराउनु भयो ।
कृषि सामाग्री कम्पनी लिमिटेडमा सबै कर्मचारी कार्यालयमा भेटिएको र सो कार्यालयमा मलको अवस्थाबारे जानकारी लिइएको गौतमले बताउनुभयो ।
शुसासन प्रबद्र्धन र सेवा प्रवाहलाई प्रभावकारी बनाउनेतर्फ प्रशासन कार्यालय लागिरहेको बताउंदै प्रशासकीय अधिकृत गौतमले शुसासन प्रवद्र्धनकै लागि सरकारी कार्यालयमा छड््के अनुगमनलाई निरन्तरता दिइएको बताउनु भयो ।
