भैरहवा, २२ चैत्र । सत्ता गठबन्धनमा रहेका पाँच दलिय जिल्ला संयन्त्रले गरेको निर्णय कार्यान्वयन गर्दै रुपन्देहीको सिद्धार्थनगर नगरपालिकामा स्थानीय तह निर्वाचनमा चुनावी तालमेलका लागि पाँच दलिय संयन्त्र निर्माण गरिएको छ ।
भैरहवामा बसेको गठबन्धनमा आवद्ध दलहरुको बैठकले चुनावी तालमेलको आवश्यकता ठहर गर्दै वडा तहसम्मनै तालमेल गरेर अगाडी बढ्नका लागि दलिय संयन्त्र निर्माण गर्ने निर्णय गरेको छ ।
नेपाली काँग्रेस सिद्धार्थ नगरसभापति कोशिस बहादुर खड्काको सभापत्विमा सत्ता साझेदार दलहरु नेकपा समाजबादी, एकिकृत नेकपा माओबादी केन्द्र, जनता समाजबादी पार्टी (जसपा) र राष्ट्रि जनमोर्चाको नगर स्तरिय संयुक्त बैठकले चुुनावी संयन्त्र निमार्ण गरी छलफललाई थप अगाडी बढाउने निर्णय गरेको हो । बैठक पछि कांग्रेस नगर सभापति खड्का, नेकपा माओबादी केन्द्रका नगर ईन्चार्ज फैज अहमद खाँन, नेकपा एकिकृत समाजबादीका नगर अध्यक्ष रामबहादुुर बस्नेत, जसपाका नगर अध्यक्ष अर्जुुन जयसवाल र राष्ट्रिय जनमोर्चाका नगर अध्यक्ष नेत्र आचार्यद्वारा जारी सयुुक्त बिज्ञप्तीमा गठबन्धनमा आवद्ध दलहरु बिच गठबन्धनको मर्म र भावना अनुुरुप एक आपसमा सम्मान र हार्दिकताको बिकास गर्दै स्थानीय तहको निर्वाचनमा सयुुक्त रुपमा सहभागि हुुने उल्लेख छ । त्यस्तै सिद्धार्थनगर नगरपालिकाका सवै बडामा समेत तालमेल गर्ने निर्णय भएको कांग्रेस नगर सचिव अनिल केसीले जानकारी दिनुभयो ।
