सडक दुर्घटनामा परी कलाकार पन्थको निधन

बुटवल, २ माघ । रुपन्देहीको बुटवलमा गएराती भएको सडक दुर्घटनामा परी एक युवकको मृत्यु भएको छ । मृतक कलाकार शोभाखर पन्थ रहेको प्रहरीले जनाएको छ । प्रहरीका अनुसार उनी सडक किनारको खाल्डोमा मृत फेला परेका थिए । योगिकुटीदेखी मगरघाटतिर जांदै गर्दा सडक बिस्तारका लागि खनिएको खाल्डोमा परेर उनको मृत्यु भएको लुम्बिनी प्रदेश ट्राफिक प्रहरी कार्यालय बुटवलले जनाएको छ ।
पन्थ सवार लु ७०प १३५३ नम्वरको मोटरसाइकल गएराती सो खाल्डोमा खसेको भएपनि आज बिहान मात्रै मर्निङ वाकमा हिड्ने स्थानीयले देखेपछि प्रहरीलाइ खबर गरेका थिए । उनीसँगै मोटरसाइकल पनि दुर्घटनाग्रस्त अवस्थामा फेला परेको छ ।
गुल्मी छत्रकोट ३ निबासी शोभाखर पन्थ फोटोग्राफर र कला क्षेत्रमा कृयाशिल थिए । केहिसमयदेखि रुपन्देहीको सैनामैना नगरपालिकामा बसोबास गर्ने पन्थका १ श्रीमती र १ सन्तान छन् । उनको शव लुम्बिनी प्रादेशिक अस्पतालमा राखिएको र घटनाको अनुसन्धान भईरहेको इलाका प्रहरी कार्यालय बुटवलका प्रमुख ठगबहादुर केसीले जानकारी दिनुभयो ।